The Latest

mwm.sindh018مجلس وحدت مسلمین ضلع حیدرآباد کے سیکریٹری جنرل مولانا امداد علی نسیمی نے اپنے کابینہ کے ھمراہ 24 مارچ 2013 قرآن و اھلبیت کانفرنس کے حوالے سے پاکستان مسلم لیگ فنکشنل کے صوبائی سیکریٹری اطلاعات زبیر علی میمن سے 24 مارچ 2013 قرآن و اھلبیت کانفرنس کے حوالےسے حیدرآباد دفتر میں ملاقات۔
اس ملاقات میں مجلس وحدت مسلمین کی جانب سےمسلم لیگ ف کی کوئٹہ دھرنے میں اظہار یکجہتی کے لئے آنے کا شکریہ ادا کیا گیا  اور 24 مارچ 2013 قرآن و اھلبیت کانفرنس کے حوالے سے دعوت بھی دی گئ۔
ملاقات میں سیاسی  امور سمیت مخلتف ملکی مسائل پرتبادلائے خیال کیا گیا۔ملاقات میں PML F  مسلم لیگ فنکشل کے ضلع حیدرآباد ڈویزن حیدرآباد کے بھی ذمدار ان موجود تھے
مجلس وحدت مسلمین حیدرآباد کے برادر عالم کربلائی ڈپٹی سیکریٹری جنرل اور آعا ندیم جعفری رابطہ سیکریٹری برادر اجمل مھدی سیکریٹری جوانان مجلس وحدت مسلمین حیدرآباد کے وفد میں شامل تھے

mukhtar.imami10مجلس وحدت مسلمین پاکستان سندھ کے سیکرٹری جنرل علامہ مختار احمد امامی نے کہا ہے کہ 24 مارچ کا دن سندھ کی سیاسی تاریخ میں ایک نئی تاریخ رقم کرے گا کہ جب ملت جعفریہ حیدرآباد کی سرزمین پر سندھ کی سیاسی تاریخ کا عظیم الشان جلسہ منعقد کرے گی۔ ان خیالات کا اظہار انہوں نے مورو میں سندھ کی صوبائی شوریٰ کے اجلاس سے خطاب کرتے ہوئے کیا۔ علامہ مختار امامی کا کہنا تھا کہ آج وطن عزیز میں بانیان پاکستان کی اولادیں اپنی حقوق اور تحفظ کی جنگ لڑ رہی ہیں، ہونا تو یہ چاہیئے تھا کہ ملکی سیکیورٹی کے ذمہ دار ادارے محب وطن قوتوں کو تحفظ فراہم کرتے لیکن وہ بھی اس ساری صورتحال میں خاموش تماشائی بنے بیٹھے ہیں۔ انہوں نے کہا کہ ملک میں امریکی مداخلت جاری ہے، ملت جعفریہ کی ٹارگٹ کلنگ عروج پر ہے، بم دھماکے اور خودکش حملے پاکستان کی روایت بن چکے ہیں اور اسلام کے نام لیوا جگہ جگہ دہشت گردی کرکے قرآن و اہل بیت (ع) کے پیغام کو پامال کررہے ہیں، اس ساری صورتحال میں ایم ڈبلیو ایم سندھ نے قرآن و اہل بیت (ع) کے حقیقی پیغام کو زندہ کرنے کے لئے 24 مارچ کو حیدرآباد کی سرزمین پر قرآن و اہل بیت (ع) کانفرنس کے انعقاد کا فیصلہ کیا ہے۔
علامہ مختار امامی کا کہنا تھا کہ ملت جعفریہ وہ طاقت ہے کہ جو بڑی سے بڑی قوت کے سامنے سینہ سپر ہونے کی صلاحیت رکھتی ہے، اس ہی لئے یہ ملت چودہ سو سال سے ظالم حکمرانوں کے مظالم سہنے کے باوجود آج بھی کربلا کے سیاسی افکار کو زندہ رکھتے ہوئے دنیا کے ہر خطے میں موجود ہے۔ انہوں نے مزید کہا کہ قرآن و اہل بیت (ع) کانفرنس سندھ کی سیاسی تاریخ میں اہم نیا باب رقم کرے گی، انشاء اللہ ملت جعفریہ اپنی سیاسی جدوجہد کے ذریعے وطن عزیز میں موجود دہشت گردی کے خیبر کو فتح کرے گی

amin.mwmpishwarمجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے کہا ہے کہ پاکستان کو امریکی خونیں پنجوں سے آزادی امام خمینی (رہ) کے ویژن کو اپنا کر ہی دلائی جاسکتی ہے۔ کسی بھی مسلم ملک میں ایران جیسی جمہوریت نہیں۔ ان خیالات کا اظہار انہوں نے انقلاب اسلامی ایران کی 34ویں سالگرہ کے موقع پر خانہ فرہنگ ایران پشاور کے زیراہتمام منعقدہ تقریب سے بحیثیت مہمان خصوصی خطاب کرتے ہوئے کیا۔ ان کا کہنا تھا کہ امام خمینی (رہ) محمد عربی (ص) کا پیغام لیکر آئے اور ظلم کی زنجیروں میں جکڑی انسانیت کو آزاد کرایا۔ امام خمینی (رہ) نے وہی کام کیا جو رسول کریم (ص) سے سیکھا تھا۔ امام خمینی (رہ) کے پاس کوئی ٹینک، فوج یا دولت نہیں تھی، صرف ایمان کی طاقت تھی، جس کے ذریعے انہوں نے اسلامی انقلاب برپا کیا۔ انقلاب اسلامی ایران کو امریکی پنجوں سے آزاد کرایا اور عوام کو احساس غلامی سے آزادی دلائی۔

mwm012اسلام آباد ( پ ر) مجلس وحدت مسلمین پاکستان کے سیکرٹری جنرل علامہ ناصر عباس جعفری نے کہا ہے کہ امام خمینیؒ کی زیر قیادت سرزمین ایران پر رونما ہونے والا اسلامی انقلاب پوری دنیا میں غلبہ اسلام کا نقطہ آغاز ثابت ہوا ،آج استعماری قوتیں غلبہ اسلام سے خوفزدہ ہیں اور اسلامی انقلاب کے اثرات سے محفوظ رہنے کے لیے ملت اسلامیہ کے خلاف سازشوں کے جال بن رہی ہیں لیکن وہ اپنے مقاصد میں کامیاب نہیں ہو سکیں گی ،انقلاب اسلامی کی 34ویں سالگرہ کے موقع پر ایم ڈبلیو ایم کے مرکزی سیکرٹریٹ سے جاری ہونے والے پریس ریلیز میں انہوں نے کہا کہ انقلاب اسلامی کی سب سے بڑی خاصیت یہ ہے کہ اس نے مذہب و مسلک کی قید سے بالا تر ہو کر انسانی ذہنوں کو بیدار کیا اور بالخصوص ملت اسلامیہ کو استعماری طاقتوں سے آزادی کے حصول کا راستہ دکھایا ، انہوں کہا کہ ا نقلاب کسی علاقہ، سرزمین، یا مذہب کے لیے مختص نہیں ہوتے اور نہ ہی ان کے اثرات کو روکا جا سکتا ہے ،

Press Confrance MWM Pakistanمجلس وحدت مسلمین پاکستان کے ڈپٹی سیکرٹری جنرل علامہ امین شہیدی نے کہا ہے کہ بلوچستان میں رئیسانی کی بحالی کے لیے کسی بھی سیاسی و مذہبی جماعت کی جانب سے کی جانے والی کوشش عوام سے غداری اور شہداء کے خون کی توہین ہے ۔ کوئٹہ کے سرینہ ہوٹل میں منعقدہ آل پارٹیز کانفرنس میں شریک 26 جماعتوں کا بھی اس بات پر اتفاق کیا کہ رئیسانی حکومت نے عوام کے زخموں پر نمک چھڑکنے، کرپشن اور دہشت گردوں کو پناہ دینے کے علاوہ عوام کے لیے کوئی کام نہیں کیا ہے۔ اس لیے حکومت کی بحالی کسی بھی صورت میں درست اقدام نہیں، اگر کسی بھی صورت میں رئیسانی حکومت کی بحالی کی کوشش ہوئی تو ہمارے سامنے تمام آپشنز کھلے ہوئے ہیں۔وہ ایم ڈبلیو ایم کے مرکزی سیکرٹریٹ میں پرہجوم پریس کانفرنس سے خطاب کر رہے تھے ،

mwm.hayydarabad01حیدر آباد قدم گاہ مولا علی ع میں مجلس وحدت مسلمین سندھ کی ایک اہم میٹنگ ہوئی جس میں کثیر تعدادمیں آئی ایس او شیعہ علما کونسل سمیت مقامی مختلف انجمنوں اور جماعتوں کے نمائندوں سمیت اہم افراد و شخصیات نے شرکت کی
اجلاس میں مجلس وحدت مسلمین کے رہنما علامہ حیدر علی جوادی ،سیکرٹری جنرل سندھ علامہ مختار امامی ،کاظم شاہ سیکرٹری اطلاعات مہدی عابد ی نے شرکت کی اجلاس کی صدارت رکن شوری نظارت علامہ حیدر علی جوادی نے کی ۔
اجلاس میں متفقہ فیصلہ کیا گیا کہ بائیس مارچ کو سکھر سے ایک عوامی قافلہ چوبیس مارچ کو حیدر آباد میں منعقد کی جانے والی قرآن واہلبیت ع کانفرنس میں شرکت کے لئے روانہ ہوگا جبکہ سندھ بھر کے دیگر علاقوں سے بھی عوامی قافلے حیدر آباد کی جانب روانہ ہونگے ۔
اجلاس میں بھر پور امید ظاہر کی گئی کہ حیدر آباد میں چوبیس مارچ کو منعقد کی جانے والی قرآن و اہلبیت ع کانفرنس بے مثال ہونے کے ساتھ ساتھ سماجی اور سیاسی طور پر ملت کے لئے انتہائی ثمر آور اور مفید ہوگی

mwm.multan.iqtidarمجلس وحدت مسلمین ملتان کے سیکرٹری جنرل علامہ سید اقتدار حسین نقوی نے کہا ہے کہ آئندہ انتخابات میں مجلس وحدت مسلمین جنوبی پنجاب سمیت ملک بھر میں بھرپور کردار ادا کرے گی۔ ہم ہر اُس محب وطن جماعت سے الائنس کرسکتے ہیں جو دہشت گردوں اور تکفیریوں کے خلاف ہمیں یقین دہانی کرائے گی۔ وحدت ہائوس ملتان سے جاری پریس ریلیز کے مطابق ان خیالات کا اظہار اُنہوں نے گلگشت میں ضلعی کابینہ کے اجلاس سے خطاب کرتے ہوئے کیا۔ اجلاس میں فیصلہ کیا گیا کہ جنوبی پنجاب میں اپنا موثر کردار اور اپنے حقوق کے تحفظ کے لیے مجلس وحدت مسلمین اپنے اُمیدوار کھڑے کرے گی اور بعض حلقوں سے سیٹ ایڈجسٹمنٹ بھی ہو سکتی ہے۔
اُنہوں نے کہا کہ اس حوالے سے مجلس وحدت مسلمین کی کور کمیٹی کے اجلاس جاری ہیں اور اس کے ساتھ ساتھ مختلف جماعتوں کے قائدین کی ملاقاتیں بھی جاری ہیں۔ اُنہوں نے کہا کہ اس حوالے سے مجلس وحدت مسلمین 15فروری کو ملتان کے مقامی ہوٹل میں ملتان ڈویژن کی شیعہ سیاسی شخصیات جن میں کونسلر، ناظم، نائب ناظم، ممبر بلدیہ کونسل، ممبر ضلع کونسل، ممبر صوبائی اسمبلی، ممبر قومی اسمبلی اور سینیٹرز کو بلا کر سیاسی کنونشن کر رہی ہے جس میں ڈویژن بھر کی اہم شخصیات شریک ہوکر ملت تشیع کے ساتھ ہونے والی محرومیوں کے ازالے کے لیے مستقبل کے لائحہ عمل حتمی شکل دیں گیں۔ اُنہوں نے کہا کہ کنونشن کی صدارت مجلس وحدت مسلمین پاکستان کے مرکزی سیکرٹری سیاسیات ناصر عباس شیرازی ایڈووکیٹ کریں گے۔ اُنہوں نے کہا کہ اس کنونشن کے بعد ڈویژن بھر کی سیاسی صورتحال مزید واضح ہو جائے گی اور جس کے بعد ڈویژن میں اپنے اُمیدوار کا اعلان بھی کیا جائیگا۔
اُنہوں نے کہا کہ مجلس وحدت مسلمین نے بہت کم عرصے میں اپنے وجود کو منوایا ہے جس کے بعد کوئی بھی حکومت ہمیں نظر انداز نہیں کر سکتی۔ اُنہوں نے کہا کہ آئندہ الیکشن میں اُس سیاسی جماعت کو سپورٹ کیا جا سکتا ہے جو دہشت گردی، فرقہ واریت اور انتہاپسندی کے خلاف اپنی پالیسی واضح کرے گی۔ اجلاس میں ڈپٹی سیکرٹری جنرل محمد عباس صدیقی، سیکرٹری سیاسیات مہر سخاوت علی، شبر رضا زیدی، سید عاصم رضا، مظفر حسین اور محمد رضا نقوی بھی موجود تھے۔ اُنہوں نے کہا کہ کنونشن کے دعوتی کارڈز بہت جلد تقسیم کیے جائیں گے یہ کنونشن جنوبی پنجاب میں ایک اہم کردار ادا کرے گا۔

mwm.pak002مجلس وحدت مسلمین کے رہنماؤں کی عوامی نیشنل پارٹی اورپاکستان مسلم لیگ (ق) کے رہنماؤں سے ملاقات دونوں جما عتوں کے رہنماؤں نے گورنر راج قائم رہنے پر اتفاق کیا۔

مجلس وحدت مسلمین کے مرکزی ڈپٹی سیکریٹری علامہ امین شہیدی کی سربراہی میں ایک وفد نے پاکستان مسلم لیگ (ق)کے مرکزی رہنماء سینیٹر مشاہد حسین سید اور عوامی نیشنل پارٹی کے مرکزی رہنماء سینیٹر حاجی عدیل خان سے ملاقات کی، اس موقع پر مجلس و حدت مسلمین کے دیگر رہنماؤں میں علامہ اصغر عسکری اور ملک اقرار حسین موجود تھے ۔ملاقات میں ملکی صورتحال اور آنے والے عام انتخابات پر تبادلہ خیال کیا گیا۔علامہ امین شہیدی نے گفتگو کے دوران کہا کہ مملکت پاکستان میں جاری دہشت گردی کی لہر بین الاقوامی سازش کا حصہ ہے اور فرقہ واریت کو فروغ دینے والے ملک دشمن عناصر مملکت خداداد پاکستان کو تباہی کی طرف لے جا رہے ہیں

mwm.dikhan012مجلس وحدت مسلمین کے زیر اہتمام ڈیرہ اسماعیل خان میں امن کانفرنس بعنوان ’’اتحاد بین المسلمین و مذہبی سیاسی ہم آہنگی‘‘ کا انعقاد کیا گیا۔ مقامی ہوٹل میں منعقدہ اس کانفرنس میں مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی، مجلس وحدت مسلمین خیبر پختونخوا کے سیکرٹری جنرل علامہ سبیل حسن مظاہری، چئیرمین متحدہ تحریک امن ڈیرہ اسماعیل خان پیر شیر محمد، خطیب جامع مسجد اہل سنت ڈیرہ اسماعیل خان ریاض احمد جمالوی، جماعت اسلامی کے رہنماء زاہد محب اللہ چغتائی اور قمبر رضا سمیت دیگر سیاسی و مذہبی شخصیات نے شرکت کی۔ مقررین نے بلوچستان کی معزول حکومت کی بحالی کی خبروں پر تشویش کا اظہار کرتے ہوئے کہا کہ اگر اس قسم کی کوئی کوشش کی گئی تو اس کی بھرپور مخالفت کی جائے گی۔ اور اس اقدام کو شہداء کیساتھ غداری تصور کیا جائے گا۔ جس کی اجازت کسی صورت نہیں دی جا سکتی۔

اس موقع پر مجلس وحدت مسلمین کے رہنماوں نے ان تمام مذہبی و سیاسی جماعتوں کے اکابرین پر واضح کیا کہ جنہوں نے شہدائے کوئٹہ کا تمسخر اڑایا اور گورنر راج کی مخالفت کی کہ جس طرح ایسے عناصر کو بلوچستان میں سیاسی شکست دی اس طرح ڈیرہ اسماعیل خان میں بھی انہیں سیاسی شکست دیں گے۔ ان کا کہنا تھا کہ ان قوتوں کو ڈیرہ اسماعیل خان کی سرزمین پر بھی اب سیاسی شکست ہوگی کیونکہ ڈیرہ اب ان کی جاگیر نہیں رہا بلکہ یہاں کے عوام اب آزادی اور خودمختاری کی بنیاد پر فیصلہ کریں گے۔ اور یہاں آئندہ سیاست میں مجلس وحدت مسلمین کا اہم کردار ہو گا۔ ان کا کہنا تھا کہ اس حوالے سے ڈیرہ اسماعیل کے تمام شیعہ عمائدین کیساتھ بنیادی ہم آہنگی ہو گئی ہے اور لائحہ عمل تیار کرلیا گیا ہے، جس کا اعلان آئندہ چند روز میں کیا جائے اور ڈیرہ اسماعیل خان کیلئے اپنے حمایت یافتہ امیدوار کا اعلان بھی کردیا جائے گا۔

کانفرنس کے دوران مجلس وحدت مسلمین نے اپنے سیاسی لائحہ عمل سے شرکاء کو آگاہ کیا۔ جس پر مختلف شیعہ سنی رہنماوں نے مجلس وحدت مسلمین کو ہر قسم کے تعاون کی تعاون کیا جائے گا۔ اس موقع پر مقررین نے ضلع ڈیرہ اسماعیل خان کی شورش زدہ سر زمین کے ماضی قریب کے حالات پر سیر حاصل گفتگو کرتے ہوئے موجودہ حالات کے تناظر میں تمام شرکاء اور زعماء پر یہ حقیقت واضح کی کہ اگر ماضی کے حالات دوبارہ دہرائے گئے تو کسی قوم کی بقاء کی زمانت دینا ممکن نہیں۔ مقررین نے اپنی تقاریر میں قرآن و حدیث کی روشنی میں اتحاد و اتفاق پر زور دیتے ہوئے مذہبی ہم آہنگی کے فروغ کیلئے عملی نمونہ پیش کرنے کی خواہشات کا اظہار کیا۔ کانفرنس کا اختتام مولانا زاہد جعفری کی جانب سے کرائی گئی دعا سے ہوا۔

mwm and ppp meetingایم ڈبلیو ایم کے اعلیٰ سطحی وفد کی قومی اسمبلی کے ڈپٹی سپیکر و پیپلز پارٹی کے دیگر راہنمائوں سے ملاقات آئینی تقاضوں کے پیش نظر اسمبلیو ں کی مدت ختم ہونے سے پہلے آخری ہفتے میں بلوچستان حکومت کی بحالی پر اتفاق رائے
اسلم رئیسانی، علی مدد جتک اور عاصم خورد گیلو کو حکومت کی حصہ نہیں بنایا جائے گا ، پیپلز پارٹی کے راہنمائوں کی وفد کو یقین دہانی
اسلام آباد ( پ ر ) مجلس وحدت مسلمین پاکساتن کے ایک اعلیٰ سطحی وفد نے قومی اسمبلی کے ڈپٹی سپیکرفضل کریم کنڈی اور پیپلز پارٹی کے دیگراہنمائوں سے ملاقات کی۔ وفد میں ایم ڈبلیو ایم کے مرکزی ڈپٹی سیکرٹری جنرل علامہ امین شہیدی ، شوریٰ عالی کے رکن علامہ محمد ا قبال بہشتی اور پنجاب کے ڈپٹی سیکرٹری علامہ اصغر عسکری شامل تھے ، سپیکرچیمبر میں ہونے والی اس اہم ملاقات کے دوران وفاقی وزیر خورشید شاہ ، اور قومی اسمبلی کے رکن ندیم افضل چن بھی موجود تھے۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree