The Latest

وحدت نیوز ( کراچی )  مجلس وحدت مسلمین کراچی ڈویژن کے پولیٹیکل سیکریٹری میر تقی ظفرنے کہاہے کہ جعفرطیار وحسنین سوسائٹی کے تجاوزات کے خلاف آپریشن سے متاثرہ مکینوںکی بحالی کیلئے ایم ڈبلیوایم ضلع ملیر کی ٹیم کی کوششیں اور کاوشیں قابل تحسین ہیں، جنہوں نے عوامی مشکلات کے فوری حل کیلئے آواز بلند کی اور جناب محمود اختر نقوی سے 350سے زائد متاثرہ مکینوں میں بلاتفریق ایک کروڑ روپے کی نقد رقوم تقسیم کروائیں ، ایم ڈبلیوایم کے زیر انتظام اتنے بڑے پیمانے پر امدادی رقوم کی تقسیم کی تقریب کا بغیر کسی بدنظمی کےخوش اصلوبی سے انعقاد قابل ستائش ہے، جس کیلئے ایم ڈبلیوایم کے رہنما علی احمر زیدی، احسن عباس رضوی ، عارف زیدی ، ثمر عباس ودیگر کا کرادر تعریف ہے ، اس کامیاب تقریب کے انعقاد پر ایم ڈبلیوایم کی پوری ٹیم اورذاتی طورپر ایک کروڑ روپے کی نقد امدادی رقوم کی تقسیم پر محمود اختر نقوی کو مبارک باد پیش کرتے ہیں ۔

وحدت نیوز (کراچی)  سندھ حکومت کی جانب سے جعفرطیاروحسنین سوسائٹی میں تجاوزات کے خلاف ہونے والے حالیہ آپریشن سے متاثرہ جعفرطیاروحسنین سوسائٹی کے مکینوں میں مجلس وحدت مسلمین کی مخلصانہ کوششوں کے سبب ایک کروڑ روپے کی نقدامدادی رقوم تقسیم کردی گئیں،تفصیلات کے مجلس وحدت مسلمین کے  پرزور مطالبے پر جعفرطیار وحسنین سوسائٹی میں تجاوزات کے خلاف آپریشن سے متاثرہ سینکڑوں مکینوں میں بلاتفریق ایک کروڑ روپے کی نقد امدادی رقوم کی تقسیم مکمل ہوگئی، ایم ڈبلیوایم نے سندھ حکومت اور جعفرطیار سوسائٹی میں ترقیاتی کاموں کے روح ِ رواں جناب محمود اختر نقوی سے علاقہ مکینوں کی مشکلات کے تناظر اور موصولہ درخواستوں کی روشنی میں متاثرہ مکانوں کی تزین وآرائش کے حوالے سے فوری طور پر مالی امداد کا پرزور مطالبہ کیا تھا، جس پر جناب محمود اختر نقوی نےاپنی جانب سے  فوری طور پر عمل درآمد کرتے ہوئے جعفرطیار وحسنین سوسائٹی کے 350 سے زائد متاثرہ مکینوں میں تقریباًایک کروڑ روپے نقد تقسیم کردیئے ہیں،مجلس وحدت مسلمین ضلع ملیر کے زیر اہتمام امدادی رقوم کی تقسیم کی سادہ مگر پروقار تقریب جعفرطیار سوسائٹی میں منعقد ہوئی جس میں ایم ڈبلیوایم کے رہنما علی احمر زیدی، میر تقی ظفر، احسن عباس رضوی، عارف رضا زیدی، ثمر عباس ، مولانا غلام محمد فاضلی ، علامہ گلزارحسین شاہدی ، دیگررہنمائوں اور کارکنان سمیت متاثرہ خواتین وحضرات نے بڑی تعدادمیں شرکت کی۔واضح رہے کہ جعفرطیار سوسائٹی میں سندھ بلڈنگ کنٹرول اتھارٹی کی جانب سے حالیہ دنوں ہونے والے تجاوزات کے خلاف آپریشن کے متاثرہ مکینوں کی دادرسی کیلئے مختلف فورمز پر آواز بلند کی تھی،میڈیا کے ذریعے سندھ حکومت، متعلقہ حکام اوربرائے راست جناب محمود اختر نقوی سے فوری ریلیف پیکیج کا مطالبہ کیا تھا،ایم
ڈبلیوایم نے مرکزی روڈ پر دوروزہ ریلیف کیمپ برائے متاثرین بھی قائم کیا تھا جس میں سینکڑوں متاثرین نے اپنے کوائف جمع کروائے جن کی تحقیق اور تصدیق کے بعد جعفرطیار اور حسنین سوسائٹی کے پریشان حال رہائشیوں میں امدادی رقوم کی فوری تقسیم یقینی بنی، اس بہترین اور برقت اقدام پر اہلیان جعفرطیار سوسائٹی نے مجلس وحدت مسلمین اورجناب محمود اختر نقوی کا تہہ دل سے شکریہ اداکیا، اس موقع پر متاثرین کا کہنا تھا کہ ہم ایم ڈبلیوایم اور جناب محمود اختر نقوی کے انتہائی مشکور ہیں کے جنہوں نے شدید مشکلات میں ہماری دادرسی کی ، اس موقع پرجناب محموداختر نقوی نے ہڈیوںکے مہلک مرض میں مبتلاایک معصوم بچے کے فوری آپریشن کیلئے نقد 2لاکھ روپے بھی عطیہ کیئے۔

وحدت نیوز (آرٹیکل)  پہلوان ، بالآخر پہلوان ہوتا ہے، پہلوان کی پٹائی بہت شرم کی بات ہے ، خصوصا جب پٹائی کرنے والا کوئی عام سا آدمی ہو۔ اسرائیل نے اپنے آپ کو مشرقِ وسطیٰ کا پہلوان مشہور کر کرکھا ہے، سعودی عرب سمیت دیگر عرب ریاستیں اسرائیل کی طاقت کے سامنے سر تسلیمِ خم کر چکی ہیں، گزشتہ دنوں جب شام نے اسرائیل پر  کامیاب میزائل  حملہ کیا تو اسرائیل  کو سخت ہزیمت اور شرمندگی کا سامنا کرنا پڑا۔چنانچہ اس شرمندگی کو چھپانے کے لئے اسرائیل نے یہ راگ الاپنا شروع کر دیا کہ یہ حملہ شام نے نہیں بلکہ ایران نے کیا ہے۔ اربابِ دانش بخوبی جانتے ہیں کہ اگر ایران اسرائیل پر حملہ کرے گا تو وہ صرف حملے  کا نہیں بلکہ اسرائیل کے خاتمے کا  دن ہوگا۔ یہی وجہ ہے کہ ایرانی اداروں نےایران کی جانب سے اسرائیل پر حملہ کئے جانے کی تردید کی ہے۔ اس سے پہلے تینتیس روزہ جنگ میں بھی  حزب اللہ نے اسرائیل کی طاقت کا گھمنڈ توڑا تھا۔فلسطینی تنظیم حماس کے مطابق  جولان میں اسرائیل کے فوجی ٹھکانوں پر جوابی کارروائی شام کا حق ہے اور وہ زمانہ گزر گیا جب اسرائیل حملے کرکے بھاگ جاتا تھا ۔شام نے بھی کہا ہے کہ اب اسرائیل کو ہر حملے کا جواب دیا جائے گا۔اسی طرح محاذ آزادی فلسطین نے بھی اسرائیل پرشام کے جوابی حملوں پر خوشی کا اظہار کیا ہے۔اطلاعات کے مطابق ان حملوں کے بعد بہت سارے صیہونی اسرائیل سے بھاگنے کی سوچ رہے ہیں۔اسرائیل کی بوکھلاہٹ کا یہ عالم ہے کہ اسرائیل کی طرف سے بار بار ان حملوں کو ایران کی کارروائی کہا جا رہا ہے جبکہ حقیقت میں ایران نے اپنی طرف سے جوابی حملے کا حق ابھی تک محفوظ رکھا ہوا ہے۔اسرائیل جو حزب اللہ یا شام کی فوج کے حملوں کی تاب نہیں رکھتا وہ یقیناً ایران کا حملہ کبھی بھی نہیں سہہ سکتا ۔

اب اگر تل ابیب اور ریاض میں ایران اور امریکہ کے مابین جوہری خاتمے پر  خوشیاں منائی جارہی ہیں تو  یہ عالمی حالات سے آنکھیں چرانے کے مترادف ہے۔ اس وقت خود سعودی عرب  پوری اسلامی دنیا میں اپنی ساکھ کھو چکاہے اور دوسری طرف ہر نئے دن کا سورج  اسرائیل کے لئے موت  کا پیغام لے کر طلوع ہوتا ہے۔ ہر فلسطینی کی گرتی ہوئی لاش اسرائیل کے تابوت میں ایک کیل کا کام کر رہی  ہے۔اسرائیل اتنی بڑی عسکری طاقت نہیں  اور ویسے بھی جنگیں اسلحے کے بجائے قوتِ ایمانی سے لڑی جاتی ہیں لہذا ضروری نہیں کہ اسرائیل کے تابوت میں آخری کیل  ٹھونکنے کے لئے ایران کو ہی میدان میں اترنا پڑے بلکہ ایران سے پہلے شام، حزب اللہ اور حماس جیسی قوتیں بھی اسرائیل کے دانت کھٹے کر سکتی ہیں۔

ایران اور اسرائیل کے موجودہ تناو کے تناظر میں  نیز امریکہ کے ساتھ ایران کے ایٹمی معاہدے کے اختتام کے باعث سعودی عرب کو بہت خوشی ہوئی ہے جبکہ دوسری طرف ساری دنیا نے امریکی صدر کے جارحانہ رویے کی مذمت کی ہے اور  اس کے بعد  جرمنی سمیت دیگر یورپی ممالک  نے  ایران کو جوہری معاہدہ جاری رکھنے کے سلسلےمیں ہر قسم کا تعاون فراہم کرنے کی یقین دہانی کروائی ہے۔ گویا ہم کہہ سکتے ہیں کہ یہ ایران کی ایک اور سفارتی فتح ہے کہ پوری دنیا نے ایران کی حمایت کا علان کیا ہے۔ ایران کے ساتھ امریکہ کے جوہری معاہدے کے خاتمے کے سب سے بڑے حامی اسرائیل اور سعودی عرب ہی تھے سو اسرائیل اور سعودی عرب کا یہ مشترکہ ہدف بظاہر تو پورا ہوگیا ہے لیکن اب  دیکھنا یہ ہے کہ کیا اسرائیل اور سعودی عرب دیگر دنیا کو بھی اپنا ہمنوا بنا سکیں گے یا نہیں!؟ کیا اس کے بعد دنیا یمن پر سعودی جارحیت کو جائز قرار دے دیگی اور کیا اس کے بعد فلسطین پر اسرائیل کے ناجائز قبضے کو عالمی برادری جائز مان لے گی۔کیا اسکے بعد دنیاسعودی عرب کو طالبان اور القاعدہ جیسی تنظیمیں بنانے پر شاباش دے گی اور کیا شام میں اسرائیل اور سعودی عرب کی مداخلت کا کوئی جواز پیدا ہوجائے گا!؟

اگر نہیں تو پھر ظلم کی رات خواہ کتنی ہی طویل کیوں نہ ہو سویرا ضرور ہوتا ہے، اسرائیل اور سعودی عرب کو وقت آنے پر اپنے تمام جرائم کا حساب دینا ہوگا۔ حقیقتِ حال یہ ہے کہ  افغانستان، شام اور عراق میں دہشت گردوں کی شکست کے بعد  سعودی عرب ،امریکہ اور اسرائیل اس وقت  ایران اور حزب اللہ سے انتقام لینے کے لئے کوششیں کر رہے ہیں، چونکہ انہوں نے  دہشت گردوں کو شکست دینے اور سعودی عرب و امریکہ و اسرائیل کی مثلث کی ناکامی  میں اہم کردار ادا کیا ہے۔ ان دنوں  ایک طرف تو  اسرائیل اور سعودی عرب کی کوشش ہے کہ امریکہ آگے بڑھ کر ایران سے لڑائی کرے  جبکہ دوسری طرف  امریکہ کی بھی کوشش ہے کہ اسرائیل اور سعودی عرب میں سے کوئی آگے بڑھ کر ایران سے جنگ کا آغاز کرے  لیکن حقیقت حال یہ ہے کہ تینوں میں سے کسی میں بھی ایران کا سامنا کرنے کا

حوصلہ نہیں اور اگر تینوں میں سے ایک میں بھی اس کی جرات ہوتی تو وہ کبھی بھی مزید  انتظار نہ کرتا۔ جنگ بہرحال جنگ ہوتی ہے اور اپنے ساتھ تباہی و بربادی لے کر آتی ہے۔ عالمی برادری کو چاہیے کہ وہ اس وقت دنیا پر منڈلاتے ہوئے جنگ کے بادلوں کے خلاف فیصلہ کن کردار ادا کرے  ۔ یہ انسانی ہمدردی اور بقائے باہمی کے شعور کاتقاضا ہے کہ دنیا کے تمام ممالک کو دیگر ممالک پر جارحیت سے روکا جائے اور اسرائیل جیسے غیر قانونی ملک کو ختم کیا جائے۔ اگر امریکہ ، سعودی عرب اور اسرائیل کے جارحانہ عزائم کو نہیں روکاجاتا تو آج نہیں تو کل یہ دنیا جنگ کے شعلوں سے بھڑک سکتی ہے۔



تحریر۔۔۔نذر حافی

This email address is being protected from spambots. You need JavaScript enabled to view it.

وحدت نیوز (اسلام آباد)  امریکہ دنیا بھر میں دہشت گرد قوتوں کا سرپرست ہے، ملک بھر میں قائد وحدت علامہ ناصر عباس کی اپیل پر13مئی کو یوم مردہ باد امریکہ منایا جائے گا۔ ملک بھر میں امریکی ناپاک عزائم کے خلاف احتجاج اور ریلیاں نکالی جائیں گی۔ ملک بھر کی طرح اسلام آباد میں بھی یوم مردہ باد ریلی کا انعقاد کیا جائے گا جوکہ نیشنل پریس کلب اسلام آباد تا ڈی چوک اسلام آباد تک نکالی جائے گی۔ ان خیالات کا اظہار مجلس وحدت مسلمین کے مرکزی رہنما علامہ اصغر عسکری نے نیوز کانفرنس سے خطاب کرتے ہوئے کیااس موقع پرملک اقرارحسین ، علامہ علی شیر انصاری، حسین شیرازی ودیگر موجود تھے ۔

 انہوں نے کہاکہ امریکہ ہی ہے جو فلسطین میں اسرائیل کے غاصبانہ تسلط اور ناجائز ریاست اسرائیل کے جرائم کی پشت پناہی اور سرپرستی کر رہا ہے، امریکہ ہی ہے کہ جس نے پہلے افغانستان پھر عراق میں اپنے دہشتگردانہ ناپاک عزائم کو تکمیل دینے کے کئے دسیوں ہزار معصوم انسانوں کو موت کی نیند سلا دیا۔امریکہ ہی ہے کہ جس نے داعش جیسی خونخوار دہشت گروہوں کو جنم دیا اور شام و عراق میں دہشت گردی کا بازار گرم کیا اب یہی امریکہ شام و عراق میں ناکام ہونے کے بعد اپنے ناپاک منصوبوں کا نشانہ پاکستان کو بنانے پر تلا ہوا ہے اور داعش جیسی دہشتگرد تنظیموں کو افغانستان میں سرپرستی کر کے خطے کو غیر مستحکم کرنا چاہتا ہے۔یہ ایک الارمنگ صورت حال ہے افغانستان اور پاکستان میں گزشتہ چند ماہ میں ہونے والی ہزارہ برادری کی کلنگ کے پیچھے انہی دہشت گردوں کا ہاتھ ہے جو امریکا اور اسکے اتحادیوں نے ہی بھرتی کئے اور انہیں جہاد کے نام پر استعمال کیا۔

انہوں نے مزید کہاکہ مختلف ممالک کے وسائل کی لوٹ مار کرنا، کٹھ پتلی حکومتیں قائم کرکے ڈکٹیٹروں ظالم موروثی حکومتوں اور شیوخ و بادشاہوں کو قوموں پر مسلط کرکے انکی آزادیوں کو سلب کرنا، یہ سب امام خمینی کے اس جملے کو بالکل سچ ثابت کرتا ہے کہ ہماری تمام ترمشکلات کا ذمے دار امریکا ہے کئی جگہ دہشت گرد امریکی سرپرستی میں کام کر رہے ہیں۔دنیا بھر میں جتنی بھی بد امنی ہے اس کے پیچھے امریکہ اور اس کے حواری ہیں جو دنیا پر اپنا تسلط برقرار رکھنے کے لئے دنیا بھر میں انسانوں کا خون بہارہے ہیں۔ امریکہ دنیا کا سب سے بڑا شیطان اور دہشت گرد ہے .امریکہ کا مقبوضہ یروشلم میں اپنا سفارتخانہ منتقل کر نے اورامریکی حکومت کا پاکستان کے ساتھ نازیبا رویہ قابل مذمت ہے۔ 13مئی کو علامہ ناصر عباس جعفری کی اپیل پر ملک بھر میں یوم مردہ باد امریکہ کے عنوان سے تمام چھوٹے بڑے شہروں میں احتجاجی مظاہرے اور ریلیاں نکالی جائیں گی جبکہ مرکزی احتجاجی ریلی کراچی میں نمائش تا تبت سینٹر نکالی جائے گی جس میں عوام کی بڑی تعداد سمیت سیاسی ومذہبی جماعتوں کے قائدین بھی شریک ہوں گے۔

وحدت نیوز (گلگت) گلگت بلتستان کے عوام کسی خیراتی پیکج کے محتاج نہیں۔ہم ستر سالوں سے اپنا حق مانگ رہے اور حکمران ہمیں ہمارا حق دینے کی بجائے پیکجز دے رہے ہیں۔نواز لیگ اختیارات کے نام پر ڈرامے بازی بند کرے ورنہ عوام کے جذبات سے کھلواڑ کرنے کی انہیں سنگین سزا بھگتنا پڑے گی۔مجلس وحدت مسلمین پاکستان کے مرکزی رہنما شیخ نیئر عباس مصطفوی نے نماز جمعہ کے اجتماع سے خطاب کرتے ہوئے حکومت کو متنبہ کیا کہ اصلاحاتی پیکج کے نام پر گلگت بلتستان کے عوام کو دھوکہ نہیں دیا جاسکتا،اب پیکجز کا زمانہ گزرگیا ہے وفاق گلگت بلتستان کے عوام کو متنازعہ خطوں کے برابر حقوق دے۔انہوں نے کہا کہ گلگت بلتستان کے عوام کا پاکستان کے ساتھ الحاق یکطرفہ ہے جس کا وفاق نے ستر سالوں تک کوئی مثبت جواب نہیں دیا ہے۔ہماری پاکستانی شہریت کو تو تسلیم کیا جاتا ہے لیکن پاکستانی شہریت کے حقوق سے محروم رکھا گیا ہے جو وفاقی حکمرانوں کا دوغلا پن ہے۔اگر یہ خطہ متنازعہ ہے تو کشمیر طرز کا سیٹ اپ دیا جائے اب کی بار ہم کسی پیکج کو ہرگز تسلیم نہیں کرینگے۔

انہوں نے صوبائی حکومت کی دوغلی پالیسی پر شدید تنقید کرتے ہوئے کنٹریکٹ ملازمین کامسئلہ فوری حل کرنے کا مطالبہ کیا اور کہا کہ وزیر اعلیٰ کرپشن کے ماسٹر مائنڈ ہیں جس کے دور میں اقربا پروری اور سیاسی رشوت اپنے عروج کو پہنچ چکی ہے۔اپوزیشن جماعتوں پر کیچڑ اچھالنے والے ذرا اپنی کارکردگی پر نظر ڈالیںہرطرف کرپشن ہی کرپشن نظر آئیگی۔انہوں نے بجلی کے بحران پر گفتگو کرتے ہوئے کہا کہ حکومت چاہے تو بجلی کی لوڈشیڈنگ پر قابو پاسکتی ہے لیکن جان بوجھ کر طویل ترین لوڈشیڈنگ سے عوام کی زندگی اجیر بنارہی ہے۔انہوں نے کہاکہ نلتر پائین کے عوام کے مطالبات جائز ہیں حکومت ان کے مسائل کو حل کرے اور بجلی کی فراہمی کو یقینی بنائے۔نلتر پائین کے سو سے زیادہ گھرانے واٹر چینل کے تباہی کی زد پر ہیں کل کلاںان کے جان ومال کو کوئی نقصان پہنچا تو اس کی تمام تر ذمہ داری حکومت پر عائد ہوگی۔

وحدت نیوز(ملتان) امریکہ دنیا بھر میں دہشت گرد قوتوں کا سرپرست ہے، ملک بھر میں قائد وحدت علامہ ناصر عباس کی اپیل پرمئی کو یوم مردہ باد امریکہ منایا جائے گا۔ ملک بھر میں امریکی ناپاک عزائم کے خلاف احتجاج اور ریلیاں نکالی جائیں گی۔ ملک بھر کی طرح جنوبی پنجاب بھرمیں بھی یوم مردہ باد ریلیوں اور مظاہروں کا انعقاد کیا جائے گا، جنوبی پنجاب کی مرکزی ریلی دولت گیٹ چوک سے گھنٹہ گھر چوک تک نکالی جائے گی، ملتان کے علاوہ بہاولپور میں یونیورسٹی چوک سے پریس کلب تک احتجاجی ریلی نکالی جائے گی، رحیم یارخان میں ریلوے چوک سے پریس کلب تک ریلی نکالی جائے گی، اوچشریف میں علمدار چوک پر احتجاجی مظاہرہ کیا جائے گا، مظفرگڑھ میں قنوان چوک سے پریس کلب تک احتجاجی ریلی نکالی جائے گی، بھکر میں امام بارگاہ قصر زینب سے احتجاجی ریلی نکالی جائے گی، میانوالی میں مرکزی امام بارگاہ ہاشم شاہ سے ریلوے چوک تک احتجاجی ریلی نکالی جائے گی۔

 علامہ اقتدار نقوی نے انتظامی کمیٹی کے اجلاس سے خطاب کرتے ہوئے کہا کہ امریکہ ہی ہے جو فلسطین میں اسرائیل کے غاصبانہ تسلط اور ناجائز ریاست اسرائیل کے جرائم کی پشت پناہی اور سرپرستی کر رہا ہے، امریکہ ہی ہے کہ جس نے پہلے افغانستان پھر عراق میں اپنے دہشتگردانہ ناپاک عزائم کو تکمیل دینے کے کئے دسیوں ہزار معصوم انسانوں کو موت کی نیند سلا دیا۔امریکہ ہی ہے کہ جس نے داعش جیسی خونخوار دہشت گروہوں کو جنم دیا اور شام و عراق میں دہشت گردی کا بازار گرم کیا اب یہی امریکہ شام و عراق میں ناکام ہونے کے بعد اپنے ناپاک منصوبوں کا نشانہ پاکستان کو بنانے پر تلا ہوا ہے اور داعش جیسی دہشتگرد تنظیموں کو افغانستان میں سرپرستی کر کے خطے کو غیر مستحکم کرنا چاہتا ہے۔یہ ایک الارمنگ صورت حال ہے افغانستان اور پاکستان میں گزشتہ چند ماہ میں ہونے والی ہزارہ برادری کی کلنگ کے پیچھے انہی دہشت گردوں کا ہاتھ ہے جو امریکا اور اسکے اتحادیوں نے ہی بھرتی کئے اور انہیں جہاد کے نام پر استعمال کیا۔ مختلف ممالک کے وسائل کی لوٹ مار کرنا، کٹھ پتلی حکومتیں قائم کرکے ڈکٹیٹروں ظالم موروثی حکومتوں اور شیوخ و بادشاہوں کو قوموں پر مسلط کرکے انکی آزادیوں کو سلب کرنا، یہ سب امام خمینی کے اس جملے کو بالکل سچ ثابت کرتا ہے کہ ہماری تمام ترمشکلات کا ذمے دار امریکا ہے کئی جگہ دہشت گرد امریکی سرپرستی میں کام کر رہے ہیں۔دنیا بھر میں جتنی بھی بد امنی ہے ا س کے پیچھے امریکہ اور اس کے حواری ہیں جو دنیا پر اپنا تسلط برقرار رکھنے کے لئے دنیا بھر میں انسانوں کا خون بہارہے ہیں۔ امریکہ دنیا کا سب سے بڑا شیطان اور دہشت گرد ہے .امریکہ کا مقبوضہ یروشلم میں اپنا سفارتخانہ منتقل کر نے اورامریکی حکومت کا پاکستان کے ساتھ نازیبا رویہ قابل مذمت ہے۔13 مئی کو علامہ ناصر عباس جعفری کی اپیل پر ملک بھر میں یوم مردہ باد امریکہ کے عنوان سے تمام چھوٹے بڑے شہروں میں احتجاجی مظاہرے اور ریلیاں نکالی جائیں گی جبکہ مرکزی احتجاجی ریلی کراچی میں نمائش تا تبت سینٹر نکالی جائے گی جس میں عوام کی بڑی تعداد سمیت سیاسی ومذہبی جماعتوں کے قائدین بھی شریک ہوں گے ۔

وحدت نیوز (سکردو)  مجلس وحدت مسلمین گلگت بلتستان کے سیکریٹری جنرل  مجاہد ملت آغا علی رضوی نے پاکستان پیپلز پارٹی شہید بھٹو کے زیر اہتمام احتجاجی جلسے میں اپنے رفقاء اور علاقے کے امور کا درک رکھنے والے باشعور نوجوانوں اور بزرگوں کے ہمراہ شرکت کی اور شرکاء سے خطاب کرتے ہوئے کہاکہ ہم گلگتبلتستان کے عوامی رائے کے خلاف جبری مسلط کئے جانیوالے کسی بھی آرڈر کو نہیں مانتے،ستر سال ہم نے استحصال برداشت کیا مگر اب کسی بھی جبر کو ہم عوامی طاقت سے رد کرکے دکھائیں گے،عوام کے حقیقی ہمدرد نام نہاد جی بی آرڈر اور کالے قانون خالصہ سرکار کے خلاف سڑکوں پر آگئی ،عوام اور جوان اب بیدار ہیں،ہر درباری کو ہم پہچانتے ہیں،ہر سازشی کو جانتے ہیں،سی پیک میں مقامی حکومت کی بدترین نا اہلی سے ہم ایک پائی بھی نہیں پاسکتے، اب جی بی آرڈر کو زبردستی ٹھونسنے کی کوشش کی گئی تو عوام انکو ذلت و رسوائی سے دوچار کر چھوڑیں گے، مقررین نے کالے قانون خالصۃ سرکار کو کسی بھی صورت میں ماننے سے انکار کردیا، آغا علی رضوی نے گہورے کھرمنگ ہیڈکوارٹر کے معاملے میں انتظامیہ کو خبردار کرتے ہوئے کہا کہ عوام کو دھوکہ سے باز رہیں. یہ مت بھولنا کہ ہم خالصۃ سکھ قرار دینے کی کوشش کرنے والے افسران شاہی سے نمٹنا اچھی طرح جانتے ہیں۔جی بی آرڈر کے حوالے سے انہوں نے کہا کہ گلگت بلتستان کی عوام کو اعتماد میں لئے بغیر کسی آرڈر کو ہم نہیں مانتے، ہم حقوق مانگ رہے ہیں مجبور کیا تو حقوق چھین لیں گے، استحصال برداشت نہیں. جو بھی فیصلہ ہو وہ ہمارے اپنے نمائندے کریں گے لیکن اگر ہمارے اوپر فیصلے مسلط کرنے کی سازش میں مقامی نمائندے شامل ہوئے تو وہ عوام اور گلگت بلتستان کا غدار ہونگے۔

وحدت نیوز(کراچی)  ظہور امام زمان ؑاور انقلاب مہدوہت کی رکاوٹوں کو مٹانا ہماری شرعی اور عقلی ذمہ داری ہے،امام خمینی ؒ کی نگاہ میں نظام عدل وانصاف کی راہ میں سب سے بڑی رکاوٹ امریکا ہے، ان خیالات کا اظہار مجلس وحدت مسلمین پاکستان کے مرکزی سیکریٹری وحدت یوتھ علامہ شیخ اعجاز حسین بہشتی نے جامع مسجد نورایمان ناظم آباد میںعلامہ راجہ ناصرعباس جعفری کی اپیل پر 13مئی کو منعقدہ ملک گیر یوم مردہ باد امریکا کے موقع پر نمائش تا تبت سینٹر تک تک نکالی جانے والی مرکزی مردہ باد امریکا ریلی کی عوامی رابطہ مہم کے سلسلے میں خطاب کرتے ہوئے کیا۔

انہوں نے مزید کہاکہ فلسفہ حج میں دسویں ذی الحجہ کو بڑے شیطان کو پتھرمارنے کا مقصدفساداورظلم کے مرکز کو ختم کرناہے، وہ علامتی شیطان ہے، جس کو پتھر مارنا واجب ہوگیا تو حقیقی شیطان امریکا کے خلاف آواز اٹھانا بطور احسن واجب عمل ہے، انہوں نے حاضری سے اپیل کی کہ مسلمانان عالم کے اذلی دشمن امریکااور اس کے اتحادی اسرائیل اور بھارت کے کشمیر، فلسطین،افغانستان، شام،یمن اور بحرین کے مظلوم عوام پرمظالم کے خلاف 13مئی کو اپنے اہل وعیال کے ہمراہ مرکزی مردہ باد امریکا ریلی میں بھرپور اندازمیں شرکت کریں۔

وحدت نیوز (کراچی)  صوبائی سیکرٹریٹ مجلس وحدت مسلمین سندھ و دعا کمیٹی کے تحت ہفتہ وار دعائے توسل اور جشن معصومینؑ مناسبت ولادت باسعادت حضرت امام مہدی ؑ ، امام حسین ؑ ،حضرت عباس علمدار ؑ ،حضرت بی بی زنیب ؑ محفل شاہ خراسان روڈ پر منعقد ھوا جسمیں علماء ، ذاکرین ، مزہبی ، سماجی ، سیاسی شخصیات ، مشہور ومعروف منقبت ، ثناء  خواں، سنی و شیعہ رہنماؤں اور مومنین و مومنات نے شرکت کی دعائے توسل کی تلاوت بردار ناصر الحسینی نے کی بعداز ختم دعا جشن معصومینؑ سے شیعہ و سنی نعت ، منقبت خواں حضرات ، قیصر جعفری ، سجاد حیدر ، محمد مہدی ، قائم بھوجانی ،علی مصطفیٰ ، حکیم فیضِ سلطان قادری ، غلام صابر یوسفی ، شاہد  احمد قادری ، عبدالوحید رضا قادری نے بارگاہ معصومینؑ میں گلدستہ عقیدت پیش کیا۔

 ایم ڈبلیو ایم کے مرکزی ڈپٹی سکریٹری جنرل علامہ احمد اقبال رضوی ، کراچی ڈویژن کے سیکریٹری جنرل علامہ صادق جعفری ، علامہ اظہر حسین نقوی ، علامہ سجاد شبیر رضوی ، علامہ مبشر حسن ، مشہور ومعروف ڈاکٹر مبشر عالم ، رکن صوبائی اسمبلی سندھ میجر ریٹائرڈ قمر عباس رضوی ، مولانا علی انور جعفری نے خطاب کرتے ھوئے کہا کہ آج کے دور میں ایسی محفل نورانی ھونی چائیے جسمیں مختلف مکاتب فکر کے لوگ شامل ہوں تو پاکستان سے تکفیری فکر اور دشتگردی کا خاتمہ ھوسکتا ہے۔

 علامہ احمد اقبال نے مزید کہا کہ آج دنیا دشمنان اسلام سم رہی ہے کہ مسلمانوں میں تفرقہ ڈال کے مسلمانوں کو تقسیم کرینگے مگرعالم تشیع اور عالم اہل سنت کے بابصیرت علماءکے دانشمندانہ فیصلوں کے سبب عالم استعمار اپنےناپاک عزائم میں ناکام ہوا،ا لبنان میں حزب اللہ کی کامیابی میں وہاں کے شیعوں کا صرف کام نہیں بلکہ وہاں اہلسنت اور مسیحی برادری نے بھی ساتھ دیا ہے اس موقع پر M W M ضلع جنوبی کے حسن رضا ، محمود آباد یونٹ کے اراکین ، بوتراب اسکاوٹ کے محمد ضامن ، خادمان علم کمیٹی امامیہ ندیم رضوی ، خراسان علم کمیٹی علی رضا ،خرم علی ،دعا کمیٹی ساجد سائنس ، عون محمد ، راضون حیدر ، عظیم جاوا بھی موجود تھے ، صوبائی رہنما  ناصر حسینی نے اعلان کیا  کہ قائد وحدت علامہ راجہ ناصر عباس جعفری کی اپیل پر  13 مئی کو ملک کے تمام اہم شہروں اور اضلاع سے محب وطن و فرزندان پاکستان مردہ باد امریکہ و اسرائیل احتجاجی ریلیاں نکال کر اپنی قومی غیرت اور حمیت کا اظہارِ کریں گے آخر میں مومنین و مو منات میں نیاز معصومین اور دودھ کا شربت کا بھی اہتمام کیا گیا تھا۔

وحدت نیوز (لاہور) مجلس وحدت مسلمین پنجاب کے سیکرٹری جنرل علامہ مبارک موسوی نے مرکزی سیکرٹری سیاسیات سید اسد عباس نقوی کے ہمراہ صوبائی سیکرٹریٹ پر پریس کانفرنس سے خطاب کرتے ہوئے اعلان کیا ہے کہ 13مئی کو مجلس وحدت مسلمین کے زیر اہتمام ملک گیر یوم مردہ باد امریکہ منایا جائے گا پنجاب بھر کے تمام اضلاع میں احتجاجی مظاہرے اور ریلیاں نکالی جائیں گی لاہور پریس کلب سے اسمبلی ہال تک ریلی نکالی جائے گی جس میں تمام مکاتب فکر کے علماء عمائدین شریک ہو نگے پریس کانفرنس سے خطاب کرتے ہوئے مرکزی رہنما ایم ڈبلیوایم سید اسد عباس نقوی نے کہا کہ انسانیت کے دشمن اسرائیل اور امریکہ نے قبلہ اول کو صہیونی غاصب ریاست کا دارالخلافہ قرار دے کر مسلمانوں کی قلب پر وار کیا ہے۔

انہوں نے مزید کہاکہ بحیثیت مسلمان ہمارا فرض ہے کہ ہم اس غاصب صہیونی ریاست اور عالم انسانیت کے دشمن امریکہ کے خلاف آواز بلند کریں اور ظالم قوتوں کیخلاف برسرپیکار مظلوم مسلمان بھائیوں کا ساتھ دیں،اسی طرح کشمیر میں بھارت کے ظالم حکمران اور افواج کی جانب سے مظلوم کشمیریوں کی نسل کشی کیخلاف بھی آواز اٹھانا اور غاصب ہندوستان سے کشمیری بھائیوں کو آزاد کروانے کے لئے جدوجہد کرنا بھی ہم پر فرض ہے 13مئی کو ملک گیر یوم مردہ باد امریکہ منایا جائے گا ذرائع ابلاغ میں موجود انسانیت دوست اہل قلم سے گذارش ہے کہ اس احتجاجی تحریک کی کوریج کو یقینی بنا کر مظلومین جہاں کی داد رسی میں اپنا کردار ادا کریں،انہوں نے کہا کہ ہم مملکت خداداد پاکستان کے حکمران سے بھی مطالبہ کرتے ہیں کہ وہ امریکہ اور اسکے حواریوں کے بلاک کو ہمیشہ کے لئے خیرباد کہہ دیں اس منحوس بلاک نے پاکستان کے عوام کو سوائے دہشت گردی فرقہ واریت اور قتل و غارت گری کے کچھ نہیں دیا ہمیں اب حقیقی دشمنوں کو پہچاننا ہوگا،امریکہ اور اسکے اتحادی حواری کسی کادوست نہیں یہ انسانیت دشمنوں کا ایک بلاک ہیں۔

Page 10 of 859

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree