The Latest

وحدت نیوز(اسلام آباد) مجلسِ وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری کی مجلسِ وحدت مسلمین شعبہ خواتین پاکستان کی مرکزی سیکرٹری جنرل خواہر زہرہ نقوی کیساتھ ایک تفصیلی ملاقات ہوئی جس میں ایم ڈبلیوایم شعبہ خواتین کے حوالے سے مختلف تنظیمی امور پر مفصل گفتگو ہوئی۔جس میں خصوصیت کیساتھ یہ فیصلہ کیاگیا کہ شعبہ خواتین پاکستان کی مرکزی کابینہ کی زیر نگرانی ملک بھرمیں ڈویژنل سطح پرتنظیمی سیٹ اپ تشکیل دیاجائے گا، اس حوالے سے جلد ہی باقاعدہ تنظیمی دورہ جات کا آغاز کیا جائے گا۔

وحدت نیوز (کراچی) ضمنی انتخاب برائے وائس چیئرمین یونین کونسل 11 جعفرطیار کیلئے عارف رضا زیدی مجلس وحدت مسلمین کے امیدوار نامزد، پارٹی ٹکٹ جاری کردیا گیا، ایم ڈبلیو ایم اپنی روایات کی پاسداری کرتے ہوئے عوامی خدمت کا سفر جاری رکھے گی۔ ان خیالات کا اظہار مجلس وحدت مسلمین صوبہ سندھ کے سیکریٹری سیاسیات علی حسین نقوی نے ایم ڈبلیو ایم ضلع ملیر کی کابینہ کے اجلاس میں شرکاء سے خطاب کرتے ہوئے کیا۔ انہوں نے کہا کہ ایم ڈبلیو ایم نے ماضی میں بھی بغیر اقتدار اور اختیار کے عوام کی خدمت کیلئے مختلف میدانوں میں بھرپور کردار ادا کیا ہے، انشاء اللہ یوسی 11 کے ضمنی انتخاب میں عارف رضا زیدی کی کامیابی کی صورت میں یہ سفر مزید بہتر انداز میں آگے بڑھے گا۔ اس موقع پر گفتگو کرتے ہوئے نامزد امیدوار عارف رضا زیدی نے کہا کہ ایم ڈبلیو ایم کی قیادت کا خود پر اعتماد کیلئے مشکور ہوں، ضمنی انتخاب میں پارٹی کا حصول خوش قسمتی سمجھتا ہوں، خدا نے کامیاب کیا تو یونین کونسل کے عوام کے مسائل کے حل کیلئے بھرپور کوشش کروں گا، ایم ڈبلیو ایم صحت، تعلیم اور روزگار کے میدان میں اپنی مدد آپ کے تحت اپنے قیام سے لیکر آج تک خدمات انجام دے رہی ہے، یونین کونسل 11 کے عوام نے اگر ایک مرتبہ مجھ پر اور ایم ڈبلیو ایم کا اعتماد کا اظہار کرتے ہوئے 23 دسمبر کو خیمہ کے نشان پر مہر لگائی تو میں ان کے اعتماد پر پورا اترنے بھرپور کوشش کروں گا۔

ضلع ملیر کی کابینہ کا اجلاس ضلعی سیکریٹری جنرل سید عارف رضا زیدی کی زیر صدارت ضلعی سیکریٹریٹ جعفرطیار سوسائٹی ملیر میں منعقد ہوا، جس میں مرکزی سیکریٹری اطلاعات علی احمر زیدی، صوبائی پولیٹیکل سیکریٹری سید علی حسین نقوی، ڈویژنل ڈپٹی سیکریٹری جنرل علامہ مبشر حسن نے خصوصی شرکت کی، اس موقع پر صوبائی پولیٹیکل سیکریٹری سید علی حسین نقوی نے ضمنی بلدیاتی انتخاب برائے وائس چیئرمین یوسی 11 جعفرطیار کے نامزد امیدوار سید عارف رضا زیدی کو پارٹی ٹکٹ جاری کیا۔ اجلاس میں الیکشن کیمپین کیلئے کمیٹی تشکیل دی گئی اور سیاسی و مذہبی جماعتوں سے رابطے کے حوالے سے اہم فیصلہ جات ہوئے۔ اجلاس میں ڈویژنل سیکریٹری اطلاعات احسن عباس رضوی، ضلعی کابینہ کے اراکین علامہ غلام محمد فاضلی، علامہ گلزار شاہدی، شعیب رضا، نیاز کاچو، کاظم نقوی اور جعفرطیار یونٹ کے سیکریٹری جنرل رضا علی زیدی و دیگر بھی موجود تھے۔

وحدت نیوز(مظفرآباد) سربراہ مجلس وحدت مسلمین پاکستان علامہ راجہ ناصر عباس جعفری نے کہا ہے کہ حضور نبی کریم ؐ خاتم النبیین تحریک عدل الہیٰ کے بانی، اگر عدل فضیلت ہے تو عدل کو معراج نبی کریم ؐ کے وجود مبارک کی وجہ سے حاصل ہوئی ، نبی کریم ؐ خاتم النبیین ختم نبوت پر کوئی سمجھوتہ نہیں کیا جا سکتا، نبی کریم ؐ نہ ہوتے تو یہ معاشرہ گمراہ و حقوق انسانی سے عاری معاشرہ ہوتا ، یہ دنیا ظلم و بربریت کی داستاں ہوتی ، نبی ؐ کریم رحمت بن کر آئے ، ظلم کے بادل چھٹ گئے ، انسانیت کو مسیحا مل گیا ، یہاں تک کہ اتنا ظلم کہ بیٹیوں کو زندہ درگو کر دیا جاتا ، نبی کریم ؐ آئے حقدار کو حق ملا ، معاشرے کو حقوق ملے ، عدل کی تعریف کہ’’ حقدار کو اس کا حق ملے ‘‘عملی جامے میں تبدیل ہونے لگی۔

مجلس وحدت مسلمین آزاد جموں و کشمیر کے زیر اہتمام امام بارگاہ کرم علی شاہ بیلہ نور شاہ مظفرآباد میں خاتم النبیین کانفرنس بمناسبت میلاد مسعود حضرت محمد مصطفی صلی اللہ علیہ وآلہ وسلم و امام جعفر صادق علیہ السلام سے خطاب کرتے ہوئے انہوں نے کہا کہ نبی کریم ؐ کی زندگی عدل الہی کے قیام سے عبارت تھی ، ہمارے نبی کے دین میں چنوٹی پر بھی ظالم ناقابل برداشت عمل ہے ، جب آپ ؐ کی حیات مبارکہ ہمارے لیے نمونہ عمل ہے تو پھر چاہنے والوں کو بھی اس عالمگیر تحریک کا محرک بننا چاہیے ، آج دنیا ظلم و بربریت کی داستاں ہے ، کشمیر ہو یا فلسطین ہمارے مسلمان بھائیوں کو ظلم عظیم کا نشانہ بنایا جا رہا ہے ، ہم برملا کہتے ہیں کہ ہم ہر ظالم کے خلاف ہیں چاہے وہ شیعہ ہی کیوں نہ ہو اور ہر مظلوم کے حامی ہیں چاہے وہ کافر ہی کیوں نہ ہو، ہم مسلمانیت سے بالا انسانیت کی بات کرتے ہیں ، ہمارا قرآن اعلان کرتا ہو بتلاتا ہے کہ ایک انسان کا قتل پوری انسانیت کا قتل گویا اگر آج ایک انسان قتل ہو جائے تو سات ارب انسان مارے جاتے ہیں ، ہمیں اس درد کو محسوس کرنا ہو گا، ہمارے نبی رحمۃ اللعالمین نبی ،صرف مسلمانوں کے لیے نہیں بلکہ جہانوں کے لیے رحمت بن کر آئے ، دشمن جہاں ہمیں بذریعہ جنگ قتل کر رہا ہے وہاں شیعہ سنی تفریق سے ہماری صفوں میں دراڑ ڈال کر اپنے مقاصد حاصل کرنا چاہ رہا ہے لیکن واضح رہے محمد و آل محمد کے ماننے والے ہر سازش ناکام بنا دیں گے ۔

علامہ راجہ ناصر عباس نے کہا کہ دنیا کا سب سے بڑا دہشت گرد امریکہ ،انڈیا و اسرائیل اس کے بازو ہیں ،اسرائیل کو تسلم نہ کرنے کے واضح بیان پر آرمی چیف جنرل قمر جاوید باجوہ کو خراج تحسین پیش کرتے ہیں اور اس اعلان کی بھرپور حمایت کرتے ہیں، انڈیا ہمارے کشمیری بھائیوں پر ظلم کر رہا ہے ، انڈیا ظالم ہے کشمیری مظلوم ہیں ، ہم ظالم کے خلاف و مظلوم کے حامی و مددگار ہیں ، مقبوضہ کشمیر کی تحریک قربانی کی لازوال داستانوں سے بھری پڑی ہے ، بہن کو بھائی ماں کو بیٹا نہیں مل رہا، لاشیں تک غائب کر دی جاتی ہیں ، اس سیاہ رات کے خاتمے کے ہمیں ہر قسم کا کردار ادا کرنا ہو گا ، مظلوم کشمیری عوام کا دست و بازو بننا ہو گا ، ظلم کے خلاف سیسہ پلائی دیوار بننے کے لیے ہم ایک دوسرے کے کندھے سے کندھا ملانا ہو گا، پھر انشاء اللہ وہ وقت دور نہیں کہ جب ہم سرینگر میں نبی رحمت کامیلاد منائیں ۔

انہوں نے اپنے خطاب میں کہا کہ شیعہ سنی میں تفرقہ ایجاد کرنے والا بھی ظالم و د ہشت گرد ہے ، علامہ تصور نقوی آزاد کشمیر میں شیعہ سنی اتحاد کی علامت و عملی کوششیں کرنے والے عالم دین تھے ، ان پر حملہ شیعہ سنی اتحاد پر حملہ ہے ، کل پاکستان میں جب ہمارے علماء ، ڈاکٹرز، انجینئرز اور افراد کو چن چن کے قتل کیا جارہا تھا تو ہم کہتے تھے کہ یہ دہشتگرد و قاتل کسی کے نہیں ہوتے ، یہ پیسے کے پجاری ہوتے ہیں ، جس نے زیادہ پیسے دیے اس کے ہو جاتے ہیں ، جب ہمارے گھر کو آگ لگی تب ہم نے کہا کہ کل یہ تمہارے گھر کو بھی اپنی لپیٹ میں لے لے گی ، وقت نے ثابت کیا انہوں نے نہ وطن کو چھوڑا نہ اہل وطن کو چھوڑا ، آزاد کشمیر میں بھی اسی فضا کو پروان چڑھانے کی کوشش کی گئی ، حساس خطے میں اس طرح کی کاروائیاں ناقابل قبول ہیں ، حکومت نے اس معاملے کو سنجیدہ نہیں لیا ہم مطالبہ کرتے ہیں کہ جلد از جلد ان بے رحم درندوں کو پکڑا جائے ، جنہوں نے المناک سانحہ رونما کرنے کی کوشش کی ، اس مذموم واقعے کے حقائق عوام کے سامنے لائے جائیں ، دہشت گردوں کو ڈھیل دینا ان کی حوصلہ افزائی کے مترادف ہے ، آج تصور نقوی کل کوئی بھی شکار ہو سکتا ہے، اتنی اہم شخصیت کو یوں ٹارگٹ کر کے بچ نکلنا تو عام آدمی کا کیا ہو گیا ، پولیس و انتظامیہ سراغ لگائے ، حقائق عوام کے سامنے لائے ، حکومت ہوش کے ناخن لے ، چپ ہو جانے سے کام نہیں چلے گا ، معاملے کو سنجیدہ لیا جائے بصورت دیگر سڑکوں پر بھی مطالبات منوائے جا سکتے ہیں ، ہم امید کرتے ہیں کہ حالات کی نزاکت کا احساس کرتے ہوئے جلد اقدامات کیئے جائیں گے ۔

کانفرنس سے خطاب کرتے ہوئے سیکرٹری جنرل علامہ سید تصور حسین نقوی نے قائد وحدت علامہ راجہ ناصر عباس کی اتحاد و وحدت کی کاوشوں پر خراج تحسین پیش کرتے ہوئے کہا مملکت خدادادپاکستان میں اس مشن کی تکمیل میں ہم اپنے رہنماء شانہ بشانہ ہیں ،انہوں نے ڈپٹی کمشنر مظفرآد و ایس ایس پی مظفرآباد کا بھی تعاون پر شکریہ ادا کیا۔

ممبر علماء و مشائح کونسل علامہ سید فرید عباس نقوی نے کہا کہ حضور نبی کریم ؐ و امام جعفرصادق ؑ کے میلاد کی مناسبت سے کانفرنس منعقد کر کے امن و اخوت کے پیغام کو عام کرنے کی سعی کی ہے،صدر المہدی فاؤنڈیشن آزادکشمیر مولانا حافظ کفایت نقوی نے کہا کہ سچوں کا ذکر کرنے سے ثواب کے ساتھ ساتھ سیرت کو عام کرنے کا بھی موقع ملتاہے،کانفرنس سے ڈپٹی سیکرٹری جنرل مجلس وحدت مسلمین آزاد کشمیر مولانا طالب ہمدانی ،سیکرٹری اطلاعات مولانا سید حمید حسین نقوی ، سید الطاف نقوی ، سید انجم نقوی ، صدر مرکزی انجمن جعفریہ جہلم ویلی سید راشد نقوی ، سید تصور عباس موسوی و دیگر نے بھی خطاب کیا ، کانفرنس میں لوگوں کی کثیر تعداد شامل تھی ،آخر میں مقبوضہ کشمیروفلسطین کی آزادی ،مظلوموں کی مدد و نصرت و مملکت خداداد پاکستان کی حفاظت کے لیے دعا مانگی گئی۔

وحدت نیوز(پشاور) مجلس وحدت مسلمین ضلع پشاور کی تنظیم سازی کے سلسلے میں گذشتہ روز اجلاس جامعہ شہید عارف الحسینی میں منعقد ہوا۔ جس میں ضلع پشاور کے تنظیمی کارکنان نے شرکت کی۔ اجلاس میں مرکزی کوآرڈینیٹر تنظیم سازی ایم ڈبلیو ایم سید عدیل عباس زیدی، صوبائی سیکرٹری جنرل علامہ وحید عباس کاظمی اور معاون صوبائی سیکرٹری تنظیم سازی جلال حسین بھی شریک ہوئے۔ اس موقع پر اتفاق رائے سے ایم ڈبلیو ایم ضلع پشاور کی 8 رکنی ضلعی آرگنائزنگ کمیٹی کی تشکیل دی گئی اور زاہد حسین کو ضلعی آرگنائزر جبکہ اورنگزیب علی کو ڈویژنل آرگنائزر منتخب کیا گیا۔

وحدت نیوز(کوئٹہ) ہزارہ ٹاون بروری میں جناب علامہ افضلی کی رہائش گاہ میں علماء کرام سمیت اہلیان محلہ اور اکابرین نے مجلس وحدت مسلمین کوئٹہ ڈویژن کے نامزد امیدواربرائے صوبائی اسمبلی حلقہ پی بی 26 سید محمد رضا ( آغا رضا) کی بھر پور حمایت کا اعلان کیا ۔علامہ افضلی نے کہا کہ سیاسی عمل میں شرکت ہماری اجتماعی ذمہ داری کیساتھ ساتھ شرعی ذمہ داریوں میں بھی شامل ہے۔انہوں نے کہا کہ جن جن شخصیات کو عوامی خدمت کا شوق ہیں، بے شک خدمت کریں، لیکن ہم نے ان تمام امیدواروں میں سے جناب آغا رضا کو اسلئے انتخاب کیا ہے کیونکہ آپکی شخصیت، شجاعت اور بہترین کارکردگی روز روشن کی طرح عیاں اور کسی سے پوشیدہ نہیں ہے۔لہذا ہم نے باہمی مشاورت سے ضمنی الیکشن حلقہ پی بی 26 کوئٹہ 3 سے امیدوار جناب سید محمد رضا (آغارضا)کی بھر پور حمایت کا اعلان کرتے ہیں۔سید محمد رضا (آغا رضا ) نے شرکاء کا شکریہ ادا کرتے ہوئے کہا کہ ہزارہ ٹاون کے مسائل کے حل کیلئے کسی نے سنجیدہ کوشش نہیں کیں۔ اگر اللہ نے چاہا اور آپ ستم دیدہ عوام نے اعتماد کا اظہار کیا تو ترجیحی بنیادوں پر بنیادی ضروریات جیسے پانی، بجلی، اسکول، ہسپتال سپورٹس گراونڈ و دیگر ادارے بنائیں گے، جسکا سب سے بڑا ثبوت یہ ہے کہ ضمنی انتخابات سے پہلے ہی شہداء کے پسماندہ گان کیلئے رہائشی فلیٹس کی تعمیر ہے۔آغا رضا نے کہاکہ انشاءاللہ دین مقدس اسلام اور ملی تشخص پر کبھی سمجھوتہ نہیں کریں گے۔

وحدت نیوز (اٹک) مجلس وحدت مسلمین  شعبہ خواتین ضلع اٹک کے زیر اہتمام شین باغ یونٹ و اٹک شہر یونٹ کی جانب سےعلیحدہ علیحدہ جشن صادقینؑ کے انعقاد کیا گیا ۔شین باغ یونٹ جشن کا با قاعدہ آغاز تلاوت قرآن پاک سے ہوا اس کے بعد خواہر شہناز و دیگر نعت خواں پارٹیوں نے نعت پیش کی نیز اہلبیت کی شان میں قصیدے پیش کیےجبکہ اٹک شہر یونٹ نے بہت بڑے جشن کا اہتمام کیا گیا جس کا آغاز حدیث کساء سے ہواجومحترمہ فاطمہ نے پڑھی۔تلاوت قرآن کا شرف محترمہ نبیہہ نے حاصل کیا ۔معصوم نعت خواں خواہر آئمہ، خواہررباب،خواہرندارباب نے خوبصورت انداز میں نذرانہ عقیدت پیش کیا ۔خواہر تنزیلہ ،خواہر نورین، خواہرفرح و خواہر سکنہ از واہ نے نہایت ہی خوبصورت انداز میں نعت رسول مقبول پیش کیں۔خواہر نبیہہ نے ایک بہت خوبصورت نعت پیش کی :"بنی ہے یہ دنیا برائے محمد "علاوہ ازیں مختلف نعت خواں پارٹیوں نے بہت خوبصورت نعتیں اور قصیدے پیش کیے،خواہران زہرا،کنیزاں مہدی،خواہر عصمت ہمرا پارٹی ،خواہر ناہید ہمراہ پارٹی، خواہر نذہت ہمراہ پارٹی،خصوصی خطابمحترمہ چمن نے کیا جس میں انہوں نے کہاکہ محمود وہ ذات ہے جس کی تمام دنیا تعریف کرے اور محمد وہ ہے جس کی تعریف محمود کرے"۔اس کے ساتھ جشن اپنے اختتام کو پہنچا نیز جشن صادقین کی مناسبت سے کیک محفل کی بزرگ خواتین سے کٹوایا گیااور نیاز کے ساتھ کیک تقسیم کیا گیا ۔سٹیج سیکرٹری کی تمام تر ذمہ داری محترمہ نقوی بہت عمدگی سے انجام دی۔

وحدت نیوز(رجوعہ سادات) مجلس وحدت مسلمین شعبہ خواتین ضلع چیوٹ کی جانب سے رجوعہ سادات کے تمام محلوں میں کمیٹیوں کی تشکیل شروع  ہوچکی ہے،  رجوعہ سادات 20000کی زائدآابادی پر مشتمل قصبہ ہے جھاں مومنین کی کثیر تعدادرہائش پذیرہے اسی ضمن میں یہاں پر موجود چھ محلوں میں چھ کمیٹیاں بنیں گی تاکہ بھر پور انداز میںخواتین کو تنظیمی واجتماعی فعالیت کیئے تیارکیا جائے آج پھلی کمیٹی کاقیام عمل میں لایاگیا، اس مہم کا آغاز محترمہ معصومہ نقوی نے محترمہ صائمہ زیدی کے ساتھ کیا نماز جماعت کے بعد درس اخلاق دیا گیا جس کے بعد طے پایا کہہر ہفتے محلے کی خواتین جمع ہوکر دعائے کمیل کا اہتمام کریں گی نیز دعا کے بعدہفتہ وار درس احکام اور اخلاق معلمات کے ذریعے دیئے جائیں گے۔

وحدت نیوز(گلگت) مجلسِ وحدت مسلمین شعبہ خواتین پاکستان گلگت کے زیر اہتمام زینبِ کبرا س اکیڈمی میں، جشنِ صادقین کا اہتمام کیا گیا جس میں علاقے کی خواتین اور بچوں نے شرکت کی۔بچیوں نے بارگاہِ ختمی مرتبت محمد ﷺ اور امام جعفرِ صادق ع کی بارگاہ میں ہدیہ نعت اور منقبت پیش کیں۔ جسکےبعد مجلسِ وحدت مسلمین شعبہ خواتین پاکستان گلگت کی سیکرٹری جنرلمحترمہ سائرہ نے سیرت النبی ﷺ پر روشنی ڈالی۔اور کمالِ اخلاق النبوی کے فضائل، بیان فرمائے۔

وحدت نیوز(کوئٹہ) مجلس وحدت مسلمین کوئٹہ کے ڈویژنل اور ضلعی کابینہ عہدہ داروں و کارکنان نے ایم ڈبلیو ایم کی قیادت پر بھر پور اعتماد کا اظہار کرتے ہوئے حلقہ پی بی 26 کوئٹہ 3 کی خالی نشست کیلئے مجلس وحدت مسلمین پاکستان کے نامزد امیدوار سابق وزیر قانون سید محمد رضا (آغا رضا) پر بھر پور اعتماد کا اظہار کیا ،ایم ڈبلیو ایم دفتر ہزارہ ٹاون میں کوئٹہ ڈویژن کے سیکریٹری جنرل کربلائی رجب علی کی سربراہی میں منعقدہ اجلاس میں مجلس وحدت مسلمین کوئٹہ کے ڈویژنل اور ضلعی کابینہ عہدہ داروں سمیت پارٹی کارکنوں نے شرکت کی۔

تمام عہدہ داروں اور کارکنوں نے ایم ڈبلیو ایم کی قیادت پر بھر پور اعتماد کا اظہار کرتے ہوئے حلقہ پی بی 26 کوئٹہ 3 کی خالی نشست کیلئے مجلس وحدت مسلمین پاکستان کے نامزد امیدوار سابق وزیر قانون سید محمد رضا (آغا رضا) کو کامیاب بنانے کا عزم کیا۔

پارٹی عہدہ داروں  نے مرکزی قیادت اور ہزارہ ٹاون کے کارکنوں بشمول ڈویژنل کابینہ شوری بزرگان یونٹ کی متفقہ طور پر آغا رضا کی نامزدگی کو خوش آئند قرار دیا اور انکی پانچ سالہ بہترین نمائندگی وکارکردگی، مجموعی عوامی افکار اور امنگوں کی ترجمانی کو سراہتے ہوئے کہا کہ ان کی بے مثال ترقیاتی اسکیموں کا اجرا کسی سے ڈھکی چھپی بات نہیں ہے۔

شرکاء نے کہا کہ آغا رضا کی قد آور شخصیت سیاسی بصیرت دلیری و شجاعت اور بے لوث خدمت سے انکار نہیں کیا جا سکتا،ہمیں امید ہے کہ اللہ کی مدد و نصرت سے حلقہ پی بی 26 کوئٹہ 3 کے با شعور عوام اپنی قیمتی رائے سے آغا رضا کو کامیاب بنائیں گے۔

وحدت نیوز(گلگت) مجلس وحدت مسلمین گلگت بلتستان کی رہنما اور رکن قانون ساز اسمبلی بی بی سلیمہ نے کہاکہ گلگت بلتستان کی تاریخ میں قندیل زہرا وہ پہلی خاتون ہیں جس کو ایم بی بی ایس میں گولڈ میڈل حاصل کرنے کا اعزاز حاصل ہوا ہے۔اس سے ثابت ہوتا ہے کہ گلگت بلتستان میں ٹیلنٹ کی کوئی کمی نہیں ہے صرف نوجوانوں کو رہنمائی کی ضرورت ہے۔ضرورت اس امر کی ہے کہ صوبہ سندھ کے جامعات اور میڈیکل و انجینئرنگ کالجز میں گلگت بلتستان کے طلباء کا کوٹہ نہ ہونے کے برابر ہے ،اس کوٹے میں اضافے کی ضرورت ہے تاکہ گلگت بلتستان کے طلباء کو بھی آگے بڑھنے کا موقع مل سکے۔

گلگت بلتستان کی ہو نہار طالبہ قندیل زہرا نے گلگت بلتستان کی تاریخ میں پہلی بار ایم بی بی ایس میں گولڈ میڈل لینے کا اعزاز حاصل کیاہے۔قندیل زہرا کا تعلق گلگت شہر کے نواحی علاقے نومل سے ہے اور ان کے والد علی حیدر ایک سیاسی اور سماجی شخصیت ہیں۔قندل زہرا نے پبلک سکول اینڈ کالج جوٹیال سے سال 2012 میں ایف ایس سی کا امتحان اعلیٰ نمبروں سے پاس کیا جس کے بعد ڈائویونیورسٹی آف ہیلتھ سائنسز کے ماتحت شہید بے نظیر میڈیکل کالج میں داخلہ لیا اور سال 2017 میں ایم بی بی ایس کا کورس مکمل کرکے ہائوس جاب شروع کیا۔ڈائو میڈیکل یونیورسٹی آف میڈیکل سائنسز نے ہونہار طالبہ قندیل زہرا کی ایم بی بی ایس میں اعلیٰ کارکردگی پر گولڈ میڈل دینے کا اعلان کردیا ہے۔

 

Page 2 of 894

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree