The Latest

وحدت نیوز(لاہور) مجلس وحدت مسلمین شعبہ خواتین ضلع لاھور کی سیکرٹری جنرل محترمہ حنا تقوی نے گڑھی شاہولاھور کا دورہ کیا اور وہاں یونٹ قائم کرنے کیساتھ ساتھ درس و تدریس کا باقاعدہ آغاز کیا اس موقع پر مرکزی مسئول مدارس محترمہ بشری شیرازی بھی ان کیساتھ موجود تھیں۔ ‎محترمہ حنا تقوی نے خواتین سے خطاب کرتے ہوے کہا کہ جب بھی شیعہ قوم ہر کوئ مشکل پڑی ہے چاہے وہ ھزار گنجی جیسے واقعات ہوں یا ٹارگٹ کلنگ اور شیعہ جوانوں کی جبری گمشدگی مجلس وحدت مسلمین پاکستان ہمیشہ ان مظلوموں کی آواز بن کر میدان میں اترتی ہے ۔

انھوں نے سربراہ ایم ڈبلیو ایم علامہ راجا ناصر عباس جعفری کی اپیل پر ملک بھر میں ہونے والے احتجاج میں خواتین سے بھرپور شرکت کی اپیل کرتے ہوے کہا کوئٹہ میں عرصہ دراز سے ظلم و بربریت کا بازار گرم ہے اور حالیہ واقعے میں شھید ہونے والوں کے لواحقین سراپا احتجاج بنے ہوئے ہیں ہمیں ان مظلومین کیساتھ آواز اٹھانی ہے اور ان ماوں بہنوں کی فریادوں کو حکومتی ایوانوں تک پہنچانا ہے۔

وحدت نیوز (لاہور) مجلس وحدت مسلمین پاکستان شعبہ خواتین کی مرکزی سیکریٹری جنرل اور رکن پنجاب اسمبلی محترمہ سیدہ زہر انقوی نے سانحہ مکران کوسٹل ہائی وے کی مذمت کرتے ہوئے اپنے ٹوئٹر پیغام میں کہاکہ بلوچستان اورماڑہ کے مقام پر دہشتگردوں نے جس سفاکیت سے نہتے مسافروں کا قتل عام کیا ہے اس کی جتنی بھی مذمت کی جائے کم ہے ،ریاست کوئٹہ سمیت بلوچستان بھر میں ان درندوں اور ان کے سہولت کاروں کیخلاف فوری بے رحمانہ آپریشن شروع کرے،رب کریم شہدا کی درجات بلند فرمائے آمین

وحدت نیوز (کوئٹہ) مجلس وحدت مسلمین صوبہ بلوچستان کاصوبائی جانثاران امام عصرؑکنونشن کوئٹہ میں منعقد ہوا، جس میں مرکزی سیکریٹری جنرل علامہ راجہ ناصرعباس جعفری، علامہ اعجازبہشتی، ناصرشیرازی، علامہ ہاشم موسوی ، آغا رضاسمیت اراکین صوبائی کابینہ اور ضلعی عہدیداران نے شرکت کی، اراکین صوبائی شوریٰ نے کثرت سے علامہ برکت علی مطہری کودوبارہ ایم ڈبلیوایم بلوچستان کے صوبائی سیکریٹری جنرل منتخب کرلیا،  مرکزی سیکریٹری جنرل علامہ راجہ ناصرعباس جعفری نے ان سے عہد ے کا حلف لیا، علامہ برکت علی مطہری کو دوبارہ ایم ڈبلیوایم کا صوبائی سیکریٹری جنرل منتخب ہونے پر مرکزی ، صوبائی اور ضلعی رہنمائوں نے دلی مبارک باد پیش کی ہے اور ان کی کامیابی کیلئے دعاکی ہے، علامہ برکت مطہری نے اپنی کابینہ کی تشکیل کے پہلے مرحلے میں علامہ ظفرعباس شمسی اور سید عباس علی کو صوبائی ڈپٹی سیکریٹری جنرل ، محمد جعفری کربلائی کو صوبائی سیکریٹری اطلاعات ، کربلائی رجب علی کوصوبائی ترجمان نامزد کردیاہے۔

وحدت نیوز(اسلام آباد) ایم ڈبلیوایم کا سانحہ ہزار گنجی ،اوماڑ ہ اور ڈی آئی خان میں جاری ٹارگٹ کلنگ کے خلاف ملک گیر احتجاج کا اعلان ۔ملک بھر کے تمام بڑے شہروں سمیت اہم اضلاع میں جمعے کے روز بھرپور احتجاجی مظاہرے کئے جائیں گئے ۔دہشتگردوں اور ان کے سہولت کاروں کے خلاف آواز بلند کرتے رہیں گے ۔ان خیالات کا اظہارمرکزی ڈپٹی سیکرٹر ی جنرل ایم ڈبلیو ایم علامہ سید احمد اقبال رضوی نے میڈیا سیل سے جاری بیان میں کیا۔

 انہوں نے کہ بلوچستان میں خون کی ندیاں بہانے والے بیرونی ایجنڈے پر عمل پیرا ہیں ۔بلوچستان کی ناامنی میں انڈیا ،اسرائیل اور امریکہ پوری طرح ملوث ہے ۔ سانحہ ہزار گنجی اور سانحہ اوماڑہ کے دہشتگرد عناصر ایک ہی ہیں ۔ جن کا مقصد پاکستان کو غیر مستحکم کرنا ہے  اورہم ہرگز دشمنوں کی اس سازشوں کو کامیاب نہیں ہونے دیں گے ۔ کوسٹل ہائی وے پر سفاکیت کی انتہا کی گئی ہے ۔بے گناہ سیکورٹی فورسز کے جوانوں کو بے دردی سے قتل کر دیا گیا ۔ہم تمام شہدا کے لواحقین سے اظہار تعزیت کرتے ہیں ۔ ڈی آئی خان میںجاری مسلسل فرقہ وارنہ ٹارگٹ کلنگ پر حکومت کی بے حسی اور بے توجہی قابل مذمت ہے ۔ سانحہ ہزار گنجی کے خلاف دھرنے دینے والوں کو تسلیاں دے کر گھروں کو بھیج دیا گیا اب لوگ سنجیدہ اقدامات کے منتظر ہیں ۔ حکومت کو عوام کی مایوسی سے قبل اقدامات کرنا ہونگے اگر عوام مایوس ہوگئی تو ان کے لئے حکومت چلانا مشکل ہو جائے گا۔

وحدت نیوز (اسلام آباد) مجلس وحدت مسلمین پاکستان کے مرکزی سربراہ علامہ راجہ ناصر عباس جعفری کی اوماڑہ سانحہ کی مذمت ۔کوسٹل ہائی وے پر بربریت اور سفاکیت کی انتہا کردی گئی بزدل دہشتگردوں نے رات کے اندھیرے میں نہتے مسافروں کے خون سے ہولی کھیلی ہے ملک دشمن دہشتگرد کسی رعایت کے مستحق نہیں ہیں ۔ان خیالا ت کااظہار سربراہ مجلس وحدت مسلمین علامہ راجہ ناصر عباس جعفری نے میڈیا سیل سے جاری بیان میں کیا۔

 انہوں نے کہاکہ بلوچستان سمیت ملک بھر میں دہشتگردوں کی سرکوبی کے لئے تمام سیاسی و عسکری قیادت کو مل بیٹھنا ہو گا اور نیشنل ایکشن پلان کا از سرنوجائزہ لینا ہو گا ۔جانبحق ہونے والوں کے لواحقین کے ساتھ اظہار تعزیت کرتے ہیں۔سانحہ میں سیکورٹی فورسز کے جوانوں کی اس طرح سے شہادت نہایت تکلیف دہ ہے ۔بلوچستان میں جاری دہشتگردی میں انڈیا،اسرئیل اور امریکہ پوری طرح ملوث ہیں اوماڑہ سانحہ میں ملوث دہشتگردوں کو کیفر کردار تک پہنچایا جائے۔

وحدت نیوز(اسلام آباد) چیئرمین لاء اینڈ جسٹس کمیٹی اورممبر پبلک اکاونٹس کمیٹی ریاض فتیانہ نے وحدت ہاؤس اسلام آباد میں مجلس وحدت مسلمین پاکستان کے مرکزی ڈپٹی سیکریٹری جنرل سید ناصرعباس شیرازی ایڈوکیٹ سے ملاقات کی،ریاض فتیانہ نے سید ناصر شیرازی کے والد کی وفات پر اظہارتعزیت اورافسوس کیا، اس موقع پر دونوں رہنماؤں کے درمیان اہم قومی اورقانونی امور پر تبادلہ خیال بھی کیاگیا۔

وحدت نیوز(اسلام آباد) آل پاکستان سنی تحریک کے سربراہ مطلوب اعوان قادری نے وفد کے ہمراہ وحدت ہاؤس اسلام آباد میں مجلس وحدت مسلمین پاکستان کے مرکزی ڈپٹی سیکریٹری جنرل سید ناصرعباس شیرازی ایڈوکیٹ سے ملاقات کی، مطلوب اعوان قادری نے سید ناصر شیرازی کے والد کی وفات پر تعزیت پیش کی اور سانحہ ہزار گنجی سمیت سانحہ اوماڑہ پر بھی اظہارتعزیت اورافسوس کیا ،مطلوب اعوان قادری نے مجلس وحدت مسلمین پاکستان کی ملک بھر میں بین المسالک ہم آہنگی کی کوششوں کو سراہا اور علامہ راجہ ناصر عباس جعفری کے انٹرا پارٹی الیکشن میں منتخب ہونے پر اسے جماعت اور پاکستان کی سیاست کے لئے مثبت اور خوش آئند قرار دیا۔

وحدت نیوز(گلگت)  گلگت بلتستان کے حقوق کیلئے مجلس وحدت مسلمین اپوزیشن کے سپریم کورٹ کے سامنے دھرنے کی مکمل حمایت کرتی ہے۔سپریم کورٹ کے فیصلے کی روشنی میں گلگت بلتستان کے عوام کو پورے حقوق دیئے جائیں ۔ماضی کی طرح تاخیری حربے استعمال کرکے ٹائم گین کیا گیا تو اس کے نتائج بہتر نہیں ہونگے۔

مجلس وحدت مسلمین گلگت بلتستان کے سیکرٹری سیاسیات غلام عباس نے اپنے ایک بیان میں کہا ہے کہ سپریم کورٹ کے فیصلے کی روشنی میں گلگت بلتستان کے عوام کو فی الفور حقوق دینے چاہئیں تھیں جو کہ ابھی تک حکومت لیت ولعل سے کام لے رہی ہے۔جو کچھ سپریم کورٹ نے اپنے فیصلے میں گلگت بلتستان کے عوام کو کشمیر کے فیصلے تک بنیادی انسانی حقوق دینے کا حکم دیا ہے اس پر عمل درآمد نہ کرنے سے حکومت کی بدنیتی کھل کرسامنے آرہی ہے۔دوسری جانب گلگت بلتستان میں آئندہ کے الیکشن میں من پسند نتائج حاصل کرنے کیلئے من پسند چیف الیکشن کمشنر کو تعینات کرنے کی کوشش کی جارہی ہے ،اس طرح کی من پسند تعیناتیوں سے انصاف کا گلا گھونٹا جارہا ہے جس کی ہم پرزور مذمت کرتے ہیں ۔

انہوں نے مزید کہا کہ حکومت نے سپریم کورٹ کے فیصلے کی روشنی میں مکمل حقوق نہ دیئے تو اپوزیشن  ن کے ساتھ ملک کر سپریم کورٹ کے باہر بھرپور طاقت کا مظاہرہ کیا جائیگا اور مجلس وحدت مسلمین اپوزیشن کے مجوزہ دھرنے کی مکمل حمایت کا اعلان کرتی ہے۔

وحدت نیوز(گلگت)  مظلوم کی حمایت اور ظالم کی مخالفت ہمارے ایمان کا حصہ ہے۔سانحہ ہزارگنجی کوئٹہ کے شہداء کے غم میں برابر کے شریک ہیں۔حکومت ہزارہ کمیونٹی کے مطالبات حل کرے اور دہشت گردی کے واقعات روکنے کیلئے فول پروف انتظامات کئے جائیں۔

مجلس وحدت مسلمین گلگت بلتستان کے رہنما شیخ نیئر عباس مصطفوی نے اپنے ایک بیان میں ہزار گنجی کوئٹہ میں ہونے والے بم دھماکے پر دہشت گردوںکی سخت مذمت کرتے ہوئے کہا ہے کہ بلوچستان حکومت سانحہ ہزار گنجی واقعے کو معمولی نہ سمجھے اور واقعے کے پس پردہ حقائق پر سے فوری پردہ اٹھاکر مجرموں کو کیفر کردار تک پہنچایا جائے۔دہشت گردی کسی بھی صورت میں برداشت نہیں اور ہم ہر مظلوم کے حامی وناصر اور ظالم کے خلاف ہیں۔دہشت گردوں نے ملک کے ہرطبقے اور ہر مکتبہ فکر کو نشانہ بنایا ہے اور ان دہشت گردانہ واقعت کے پیچھے عالمی سامراج کا ہاتھ ہے ،حکومت اپنے دوست اور دشمن ممالک کی پہچان کرے۔

انہوں نے کہا کہ امریکہ ،اسرائیل،انڈیا اور برطانیہ عالمی دہشت گرد ہیں جو مسلمانوں کے درمیان تفریق پیدا کرکے اپنے مذموم مقاصد کی تکمیل کررہے ہیں۔ہمیں صیہونی عزائم اور ان کی سازشوں کو ناکام بنانا ہوگا اور ملک میں تکفیری فکر کوپروان چڑھانے والوں کو کیفرکردار تک پہنچائے بغیر دہشت گردی کو روکنا محال ہے۔انہوں نے سانحہ کوئٹہ میں شہید ہونے والوں کے لواحقین سے اظہار یکجہتی کرتے ہوئے کہا کہ دکھ کی ا س گھڑی میں پوری قوم ان کے غم میں برابر کی شریک ہے۔

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری بیان میں کہاایم ڈبلیوایم کے مرکزی رہنما اورامام جمعہ علامہ سید ہاشم موسوی نے کہاہے کہ صوبائی حکومت عوام کی تحفظ فراہم کرنے میں مکمل ناکام ہوچکی ہے۔ہزار گنجی کے فروٹ مارکیٹ میں دھماکا ملک دشمنوں کی کارستانی ہیں دھماکے میں ملوث سفاک قاتل انسان کہلانے کے حقدار نہیں  ہے۔ دہشت گردوں کے بارے میں کوئی اجتناب کئے بغیر انھیں کیفر کردار تک پہنچایا جائے۔آئے روز صوبے میں دہشت گردی کے واقعات رونما ہو رہے ہیں ۔ بلوچستان کے حالات کو ایک بار پھر خراب کرنا اور بد امنی پیدا کرنا حکومت کی غفلت کا نتیجہ ہے۔حکومت اور سیکورٹی فورسز کی ذمہ داری ہے کہ وہ صوبہ بھر کی عوام کو تحفظ فراہم کرے۔

انہوں نے مزیدکہاکہ حکومت مہنگائی اور قرضوں میں مصروف ہیں عوام کے لئے ترقی اور خوشحالی کے بجائے بدامنی قابل افسوس ہے۔آئین پاکستان میں ہز شہری کی جان و مال کی حفاظت حکومت وقت پر فرض ہے بلوچستان میں ناحق لوگوں کا خون بہ رہا ہیں۔ کس ویلفیئر اسٹیٹ کی طرف جارہے ہیں جس میں لوگوں میں ناحق مارا جارہا ہے جس کی نا اسلامی روایت میں اور نہ قبائلی روایت میں اجازت ہے۔ہم ہر دو چار ماہ بعد اسی طرح تکلیف برداشت کرتے ہیں اتنی سیکورٹی میں آخر دہشت گرد کیسے ٹارگیٹ تک پہنچ جاتے ہیں۔حکومت اور ریاست کی ذمہ داری بنتی ہے کہ وہ اپنی عوام کو تحفظ فراہم کرے۔مگر بد قسمتی سے یہاں جب بھی دہشت گردی کا واقعہ رونما ہو جاتا ہے اپنی ناکامی چھپانے کے لئے دوسروں کو مورید الزام ٹھہرایا جاتا ہے۔ سیکورٹی معمالات پر توجہ دی جائے بلوچستان میں قتل عام کرنے والوں کو آج تک سزا نہیں مل سکی۔جن لوگوں کو سزا مل چکی ہے اس پر عمل درآمد کیا جائے۔

Page 4 of 930

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree