The Latest

وحدت نیوز(کراچی) دکھی انسانیت کی خدمت کے لئے خیرالعمل فاؤنڈیشن ایم ڈبلیو ایم بن قاسم ٹاؤن ڈسٹرکٹ ملیر نے ہیئت امام حسین علیہ سلام فاؤنڈیشن کے تعاون سے پورے بن قاسم ٹاؤن کی ضرورت کو مدنظر رکھتے ہوئے عوام کی سہولت کے لئے بمقام جعفریہ کمپلیکس مرکزی امام بارگاہ اسٹیل ٹاؤن گلشن جدید میں 8 بیڈ پر مشتمل سرد/ میت خانہ و غسل خانہ کا سنگ بنیاد مرکزی ڈپٹی سکریٹری جنرل ایم ڈبلیو ایم پاکستان حجت الاسلام مولانا سید احمد اقبال رضوی کے دست مبارک سے رکھا گیا, اس موقع پر مولانا نشان حیدر ساجدی ڈپٹی سیکریٹری سندھ برادر زین رضوی چیئرمین خیر العمل فاؤنڈیشن کراچی ڈویژن،  ضلع ملیر کے رہنماو اسٹیل ٹاون یونٹ و مسجد کے پیش امام و ٹرسٹ کے اراکین موجود تھے،واضح  رہے پورے بن قاسم گھگر پھاٹک سے قائد آباد تک تقریباً 10,00000 کی آبادی ہے مگر یہاں پر کوئی سرد/ میت خانہ موجود نہیں تھا،اپنی نوعیت کا یہ پہلا پروجیکٹ ہے۔

وحدت نیوز(اسلام آباد) مجلس وحدت مسلمین پاکستان شعبہ خواتین کی مرکزی سیکریٹری جنرل محترمہ سیدہ زہرا نقوی نے محرم الحرام اور ایام عزا کی مناسبت سے اپنے ایک پیغام میں کہاہے کہ رسول خدا ﷺ نے برحق فرمایا تھا کہ بےشک امام حسین ع کی شھادت سے مومنین کے دلوں میں وہ حرارت بھڑک اٹھے گی جو کبھی سرد نہیں ہو سکے گی،رب ذوالجلال کے مشکور ہیں کہ اُس نے ہم ناچیز گناہگاروں کو ایک بار پھر ماہ محرم الحرام میں عزاداری سید الشھداء علیہ سلام برپا کرنے کی سعادت بخشی،عزاداری اباعبداللہ الحسین ع پروردگار کی نعمت ہے اور عزادارن حسین ع جناب سیدہ سلام اللہ علیھا کی دعا ہیں،آئمہ معصومین علیھم السلام نے ہمیں اس بات کا حکم دیا ہے اور تاکید کی ہے کہ کربلا کو زندہ رکھا جاۓ، مجالس عزا سیدالشھداء ہر شہر ، ہر محلے اور ہر گلی میں برپا کی جائیں۔ سوگواری کیلئے جہاں بڑی مجالس ہو رہی ہیں ان میں بھی شرکت کرنی چاہئیے لیکن گھروں میں بھی عزا کا فرش بچھا کر ذکر کربلا کرنا ضروری ہے اور یہ اس دور کی ایک اہم ضرورت ہے کہ ہر عزادار اپنے اپنے وسائل کے مطابق جس انداز میں بھی کربلا کا پیغام پہنچا سکتا ہے پہنچائے یہ ہم پر واجب ہے۔ عزاداری سید الشھداء کو فقط گریہ و زاری اور سینہ کوبی تک محدود رکھنا درست نہیں ہمیں عزاداری کو ایک تحریک میں بدلنا ہوگا جیسا کہ امام خمینی نے فرمایا تھا " کہ آج ہمارے پاس جو کچھ ہے وہ کربلا کا عطا کردہ ہے" امام خمینی نے کربلا سے درس شجاعت ، حوصلہ اور عصر کے طاغوت کے مد مقابل آنا سیکھا اور ایران میں انقلاب اسلامی برپا کرکے دنیا کو یہ بتلا دیا کہ ہم حقیقی کربلائی ہیں اور ہر دور کے یزید کے مقابلے میں کردار حسینی و زینبی اپناتے رہینگے۔

واقعہ کربلا معرکہ حق و باطل ہے ' جب سید الشھداء سے یزید نے بیعت کا مطالبہ کیا تو آپ نے وہ تاریخی جملہ ادا کیا !!
"مثلی لا یبایع مثلہ" مجھ جیسا اس (یزید) جیسے کی بیعت نہیں کرسکتا،آپ نے یہ نہیں فرمایا کہ مجھ جیسا اس جیسے کی بیعت نہیں کرتا بلکہ پورے مسلئے کی وضاحت کردی کہ جو بھی مجھ جیسا ہوگا وہ تا ابد اس (یزید) جیسے کی بیعت نہیں کرےگا ' آدم ع ابلیس کی بیعت نہیں کرےگا ' موسی ع فرعون کی بیعت نہیں کرےگا ' ابراھیم ع نمرود کی بیعت نہیں کرے گا ' محمد (ص) ابوجھل کی بیعت نہیں کرے گا ' حسین ع نے دو کرداروں کی نشاندہی کر دی۔ مسلمانوں میں کہا جاتا ہے مختلف فرقے ہیں کوئ کچھ کہتا ہے کوئ کچھ کوئ کہتا ہے ستر فرقے ہیں کوئ کہتا ہے بہتر فرقے ہیں مگر حسین ع نے ان تمام فرقوں کی نفی کردی صرف دو گروہ بنا دیے " مجھ جیسا یا اس جیسا" یا حسینی یا یزیدی !!
حسین ع اور یزید میں اتنا فاصلہ ہے کہ لفظ فاصلہ ہی اس کیلئے چھوٹا ہےلیکن فرق یہ ہے کہ حسین ع بن کہ آتا ہے اور یزید آکر بنتا ہے، اللہ کا کام حسین ع بنانا ہے یزید بنانا نہیں کیونکہ اللہ خیر بانٹتا ہے شر نہیں۔ پروردگار عالم ہم سب کو اس سال ماہ محرم و صفر اور ایام عزا شعور و بیداری اور مقصدیت کربلا کو مد نظر رکھتے ہوۓ منانے کی توفیق
عطافرمائے۔

وحدت نیوز (کراچی) مجلس وحدت مسلمین شعبہ خواتین پاکستان کی مرکزی سیکرٹری جنرل خانم زہرا نقوی نے میانمار کے مسلمانوں کی نسل کشی اور ان پر ظلم و بربریت کہ شدید الفاظ میں مذمت کرتے ہوئے کہا کہ میا نمار کے مسلمانوں کے خلاف جاری جرائم پر خاموشی نہایت افوسناک ہے میانمار کا موضوع عالم اسلام کے لئے ایک عظیم انسانی المیہ ہے اور عالم اسلام ، میانمار کے مسلمانوں کے خلاف ہونے والے جرائم پر خاموش نہیں رہ سکتا بلکہ یہ مسئلہ صرف مسلمانوں کاہی نہیں یہ بلکہ د ہشتگرد اور انتہا پسندچاہے کسی بھی فرقے میں ہووہ انسانیت کے لئے بدترین خطرہ ہیں لہذا اس مسئلے کا حل سب نے مل کر نکالنا ہوگا اس ظلم و بربریت کی روک تھام جلد کرنا ہوگی ورنہ یہ آگ صرف میانمار کے خطے سے نکل کر پوری دنیا میں پھیلنے کا شدید خطرہ ہے۔لہذا ہم مطالبہ کرتے ہیں کے حکومت وقت میانمار کے مسئلے کو عالمی سطح پر اٹھانے میں اپنا کردار ادا کرئے۔مکتب تشیع جو خوچودہ سو سال سے ہمیشہ سے ظلم و بربریت کا نشانہ بنتی آرہی ہے جس کی نسل کشی ہر دور میں جاری رہی ہے ہر زمین پر اب وہ چاہے کشمیر ہو بحرین ہو سعودیہ عرب ہو ےمن ہو شام ہو یا عراق ہو ، غزہ ہو یا پاکستان ہر زمین پر ہمارا خوان بہایا جا رہا ہے مگر ہم نے کبھی ظلم و بربریت کے راستے کو اختیار نہیں کیا اپنے حق کے لیے کسی کا حق چھین نہیں لیا بلکہ ہمیشہ سے نہایت صبر سے مصیبتوں کا مقابلہ کیا ہے ہم جانتے ہیں لاشے اٹھانا آسان نہیں ہم سے مکتب تشیع سے ذیادہ کوئی میانمار کے لوگوں کے دوکھ و درد اور مصیبت کو کوئی محسوس نہیں کر سکتا لہذا ہم انشااللہ میانمار کے مسلمان بہن بھائیوں کے ساتھ ہیں اور ہر طرح سے اس مسئلے کو ہل کرنے کے لیے حکومت پاکستان سے مطالبہ کرتے ہیں۔

وحدت نیوز (جہلم) مجلس وحدت مسلمین شعبہ خواتین ضلع جہلم کے زیر اہتمام ۱۸ ذی الحج عید ولایت کے موقع پر ایک پر رونق جشن سعید کا اہتمام کیا گیا، جس میں خواتین نے بھرپور شرکت کی، جشن کا آغاز حدیث کساء سے ہوا۔  مقامی خواہران نے اشعار تقاریر اور منقبت و قصائد کے ذریعے محفل کی رونق کو دوبالا کیا۔ بعد ازاں خواہر عقیلہ رضوی سیکرٹری جنرل ضلع جہلم نے خطاب کیا۔ جس میں انھوں نے واقعہ غدیر خم پر تفصیلاً روشنی ڈالی۔ اپنے خطاب میں خواہر عقیلہ نے پیغمبر اکرم ص کا قول نقل کرتے ہوۓ کہا " عید غدیر میری امت کی تمام عیدوں سے بزرگ تر ہے" پالانوں کے ممبر پر علی ع کا ہاتھ بلند کر کے حکم خدا کا اعلان کیا گیا اعلان ولایت علی ابن ابی طالب علیہ سلام دراصل  سلسلہ انبیاء  کے اختتام کے بعد نظام ولایت کا اعلان ہے "اس موقع  پر خواہر حدیثہ سید نے مختصرا ً خطاب کیا، جس میں غدیر کے دن مومنات کے ایک جگہ، جمع ہونے کی اہمیت سے آگاہ کیا اور دعائیہ کلمات سے اپنے خطاب کا اختتام کیا۔ پروگرام کے آخر میں تمام بچوں میں عیدی اور تحائف تقسیم کیۓ گئے اور دعاۓ امام زمانہ عج کیساتھ جشن کا اختتام ہوا۔
وحدت نیوز (اسلام آباد) خیرالعمل ویلفیئر اینڈ ڈویلپمنٹ ٹرسٹ کے چیئرمین علامہ سید باقر زیدی نے کہا ہے کہ خیرالعمل ویلفیئراینڈ ڈویلپمنٹ ٹرسٹ کا ہدف دکھی انسانیت کی خدمت ہے، دکھی انسانیت کی خدمت کر کے دلی سکون ملتا ہے۔ خیرالعمل ویلفیئر اینڈ ڈویلپمنٹ ٹرسٹ دکھی انسانیت کی خدمت کا جذبہ لیکر میدان عمل میں ہے۔ خیرالعمل ویلفیئر اینڈ ڈویلپمنٹ ٹرسٹ نے کسی موقع پر بھی معاشرے کے مستحقین ،یتیموں، بے سہارا افراد کو تنہا نہیں چھوڑا خصوصا عید کے تہواروں پر انکو اپنے ساتھ عید کی خوشیوں میں شا مل کیا اور اسکے لیئے خیرالعمل ویلفیئر اینڈ ڈویلپمنٹ ٹرسٹ روز اول سے کوشاں رہا ہے ۔ اس عید قربان پر بھی ہر سال کی طرح خیرالعمل ویلفیئر اینڈ ڈویلپمنٹ ٹرسٹ کی طرف سے معاشرے کے مستحقین ،یتیموں اور بے سہا را اور بالخصوص شہداء کی فیملیز کو جو قربانی کی استطاعت نہ رکھنے کی وجہ سے قربانی نہیں کر سکتے ان کو اپنے ساتھ عید کی خوشیوں میں شامل کرنے کے لیئے ملک بھر میں اجتماعی قربانی کا ا ہتمام کیا ۔خیرالعمل ویلفیئر اینڈ ڈویلپمنٹ ٹرسٹ کی طرف سے ملک بھر میں مختلف علاقوں میں مستحقین،یتیموں ،بے سہارا ،شہداء کی فیملیز اور بالخصوص کراچی میں بارش سے متاثرین کو عید کے موقع پر اپنے ساتھ عید کی خوشیوں میں شامل کرنے کے لیئے خیرالعمل ویلفیئر اینڈ ڈویلپمنٹ ٹرسٹ کی طرف سے کراچی کے علاقوں نارتھ کراچی،نیو کراچی،سرجانی،خداکی بستی،وزیر بروہی گوٹھ ،فقیرہ گوٹھ، جمالی گوٹھ ،خادم سولنگی گوٹھ ، احسن آباد ،ایوب گوٹھ اور عبدالرحیم گوٹھ ۔ سندھ کے اضلاع میر پور خاص،ٹھٹھہ،گھوٹکی،نواب شاہ،شکار پور کے مختلف علاقوں۔جنوبی پنجاب میں ضلع بھکر ، ملتان ،علی پور ۔ خیبر پختونخواہ کے ضلع کوہاٹ ،ہنگو ۔ضلع اسلام آباد اورلاہور میں اجتماعی قربانی کا اہتمام کیا گیا اور ہزاروں افراد میں عید قربان کا گوشت تقسیم کیا گیا۔ خیرالعمل ویلفیئر اینڈ ڈویلپمنٹ ٹرسٹ کے چیئر مین سید باقر زیدی نے عید قربان کے موقع پر اس کار خیر میں ساتھ دینے والے تمام مخیر حضرات کا خیرالعمل ویلفیئر اینڈ ڈویلپمنٹ ٹرسٹ کی طرف سے شکریہ اداکیا اور دعا کی کہ اللہ تعالی انکے مال رزق میں اضافہ کرے۔ آمین

وحدت نیوز(کراچی) شہر قائد میں گلبہار کالونی کے علاقے کشمیری محلہ اور غریب نواز محلے میں بارشوں کے بعد تاحال کئی کئی فٹ گندا پانی اب بھی موجود ہے، صورتحال ایسی گھمبیر ہے کہ 1952ء میں قائم ہونے والی مسجد و امام بارگاہ میں پہلی بار عید کی نماز بھی نہیں ہو سکی، مجلس وحدت مسلمین کیجانب سے متاثرین میں راشن کی تقسیم۔ تفصیلات کے مطابق شہر قائد میں انتظامیہ اور سندھ حکومت کی بے حسی عروج پر پہنچ گئی، شہریوں کی عید خراب ہوگئی، گلبہار کالونی ڈوب گئی، کشمیری محلہ اور غریب نواز محلے میں کئی کئی فٹ پانی اب بھی موجود ہے، ہر طرف کچرے، گندگی اور غلاظت نے ڈیرہ جمایا ہوا ہے، صورتحال ایسی گھمبیر ہے کہ 1952ء میں قائم ہونے والی مسجد و امام بارگاہ میں پہلی بار عید کی نماز بھی نہیں ہو سکی۔ مجبور، بے بس اور پریشان لوگ خود پانی نکالنے پر مجبور ہیں۔ پانی اور گندگی اتنی بڑھ گئی ہے کہ رہائشی چھتوں پر رہ رہے ہیں۔ علاقے میں انتظامیہ یا حکومتی عملہ تاحال نہیں پہنچا۔ گزشتہ شب مجلس وحدت مسلمین کے ذیلی ادارے خیرالعمل ویلفیئر اینڈ ڈویلپمنٹ ٹرسٹ کراچی کی ٹیم نے سیکرٹری زین رضا کے ہمراہ بارش اور دو فٹ سے زائد کیچڑ اور نالے کے پانی کی موجودگی میں گهر گهر جا کر متاثرین میں راشن تقسیم کیا۔ اس موقع پر عوام نے اس مشکل وقت میں ساتھ دینے پر شکریہ ادا کیا اور دعائیں دی، جبکہ خیرالعمل ٹرسٹ کی جانب سے ہر ممکن تعاون کی یقین دہانی کرائی گئی۔

وحدت نیوز(کراچی) خیر العمل ویلفیئر اینڈ ڈیولپمنٹ ٹرسٹ شعبہ فلاح وبہبود مجلس وحدت مسلمین کراچی ڈویژن سالہائے گذشتہ کی طرح اس سال بھی شہر بھر میں ہزاروں مستحقین میں قربانی کا گوشت تقسیم کرے گی، متوسط طبقے سے تعلق رکھنے والے ایسے خاندانوں کو عید کی خوشیوں میں شامل کیا جائے گا جو قربانی کرنے کی استطاعت نہیں رکھتے، ان خیالات کا اظہار سیکریٹری خیر العمل ویلفیئر اینڈ ڈیولپمنٹ ٹرسٹ کراچی زین رضا رضوی نے وحدت نیوزسے گفتگو کرتے ہوئے کیا ، ان کا کہناتھا کہ کراچی کے مختلف اضلاع میں ادارے کی جانب سے قربانی برائے مستحقین کا اہتمام کیا گیا اس سلسلے میں اونٹ ، گائے اور بکرے بڑی تعداد میں خریدے جارہے ہیں ، مخیر حضرات اس کارخیر میں زیادہ سے زیادہ حصہ لیں اور خوشنودی خدا کا باعث بنیں ۔

وحدت نیوز(اسلام آباد) خیرالعمل ویلفیئراینڈ ڈویلپمنٹ ٹرسٹ پاکستان کے چیئر مین علامہ سید باقر عباس زیدی نے کہا کہ خیرالعمل ویلفیئر  اینڈ ڈویلپمنٹ ٹرسٹ دکھی انسانیت کی خدمت اور یتیم بچوں کی تعلیم کا بیڑا اٹھا کر میدان عمل میں ہے جسکا مقصد ملک بھر میں ضرورت مند افراد اور یتیم بچوں کی حوصلہ افزائی کرنا ہے تاکہ وہ احساس محرومی کا شکار نہ ہوں ۔ خیرالعمل ویلفیئر اینڈ ڈویلپمنٹ ٹرسٹ اسوقت ملک بھر میں 800 سے زائدیتیم بچوں کی کفالت کر رہا ہے جنکو ماہانہ بنیادوں پر وظیفہ دیا جا رہا ہے ۔ مزیدہر ضلع میں مستحق یتیم بچوں کا ریکارڈ مرتب کیا جا رہا ہے تاکہ جس حد تک ہوسکے اُ ن کی معاونت کی جاسکے اور معاشرے میں یتیم پروری کا کلچر فروغ پاسکے۔ اس موقع پر  خیرالعمل ویلفیئراینڈ ڈویلپمنٹ ٹرسٹ پاکستان کے چیئر مین سید باقر زیدی نے تمام درد دل رکھنے والے افراد سے اپیل کی کہ وہ آئیں اور معاشرے میں یتیم بچوں کی خواہشات اور بنیادی ضرورتوں کا احساس کرتے ہوئے  اورخیرالعمل ویلفیئر اینڈ ڈویلپمنٹ ٹرسٹ کا اس کار خیر میں ساتھ دیتے ہوئے عیدالاضحی پر اپنی قربانی کی کھالیں خیرالعمل ویلفیئر اینڈ ڈویلپمنٹ ٹرسٹ کو ہدیہ فرمائیں تاکہ یہ ادارہ مزید بہتر انداز میں دکھی  انسانیت کی خدمت اور یتیم بچوں کی حوصلہ افزائی کر سکے ۔   
    

 

وحدت نیوز(گلگت) کراچی میں آئی ایس او کی امریکہ مخالف ریلی پر لاٹھی چارج اور شیلنگ شرمناک عمل ہے ۔احتجاجی مظاہرین پر لاٹھی چارج اور تشدد غلامانہ ذہنیت کا عکاس ہے۔حکومت کی جانب سے امریکہ کو جواب دینے کی بجائے امریکی طرز عمل پر احتجاج کرنے والوں کے خلاف تشدد کی پرزور مذمت کرتے ہیں۔

مجلس وحدت مسلمین گلگت بلتستان شعبہ خواتین کی رہنما و رکن قانون ساز اسمبلی بی بی سلیمہ نے کہا ہے کہ یہ ہماری بد قسمتی ہے کہ ملک پر ایسے حکمران مسلط ہیں جو امریکہ کے غلام ہیں۔جب تک ہمار ے حکمران انگریزکی غلامی سے خود کو آزاد نہیں کرینگے ملک کو ترقی کی راہ پر گامزن نہیں کرسکتے ہیں۔انہوں نے کہا کہ وطن عزیز آج جن مشکلات سے دوچار ہے اس کی بنیادی وجہ امریکہ کی غلامی ہے اور روئے زمین پر امریکہ ہی وہ شیطان ریاست ہے جس کے شر سے پوری دنیا پناہ مانگتی ہے لیکن ہمارے حکمران امریکہ کی غلامی کو اپنے لئے باعث فخر سمجھتے ہیں۔انہوں نے کہا کہ روس، چین اور ایران کی جانب سے پاکستان کی حمایت اور امریکہ صدر کے بیان کی مذمت قابل تحسین اقدام ہے ۔

انہوں نے 34 نام نہاد اسلامی اتحاد کی سخت مذمت کرتے ہوئے کہا کہ اس نام نہاد اسلامی اتحاد میں شامل کسی ملک کو پاکستان کی حمایت اور امریکی صدر کی مخالفت کی توفیق نہیں ہوئی۔انہوں نے کہا کہ امریکہ صرف پاکستان کا دشمن نہیں بلکہ عالم اسلام کا دشمن ہے لیکن آل سعود امریکہ کے قریبی اتحادی ہیں ا ور موجودہ حالات میں اسلامی اتحاد کے چمپئین سعودیہ کی خاموشی سے ظاہر ہوتا ہے کہ وہ پاکستان سے زیادہ امریکہ کے وفادار ہیں۔پاکستان قوم اپنے دوستوں اور دشمنوں کو پہچان چکی ہے اور امریکی صدر کے بیانات کے جواب میں حکومت کی خاموشی ذلت و رسوائی کا سبب ہے۔ہم افواج پاکستان کے سپہ سالار کے دلیرانہ اور جرات مندانہ جواب کی مکمل حمایت کرتے ہیں۔انہوں نے کراچی میں مظاہرین پر پولیس تشدد کی سخت مذمت کرتے ہوئے گرفتار طلباء کی رہائی کا مطالبہ کیا ہے۔

وحدت نیوز(راولپنڈی) مجلس وحدت مسلمین راولپنڈی شعبہ خواتین کی سیکرٹری جنرل قندیل زہرا کاظمی نے سانحہ عاشور راولپنڈی کی سازش بے نقاب کرنے پر پاک فوج کا شکریہ ادا کرتے ہوئے اسے قومی سلامتی کے لیے ایک اہم پیش رفت قرار دیا ہے۔انہوں نے کہا ہے کہ ڈی جی آئی ایس پی آر کی بریفنگ کے بعد وہ نام نہاد علما و دانشور منہ چھپاتے پھر رہے ہیں جو سانحہ کے دوران ملت تشیع کو اس واقعہ کا ذمہ دار ثابت کرنے کے لیے ایڑی چوٹی کا زور لگا رہے تھے۔ اول روز سے ایم ڈبلیو ایم کا یہ موقف رہا ہے کہ پاکستان کے کسی بھی حصے میں شیعہ سنی اختلافات قطعی طور پر نہیں ہیں۔ہم نے اخوت و وحدت کا ہمیشہ عملی مظاہرہ کیا ہے۔راجہ بازار مسجد کو آگ لگانے کی سازش کا مقصد راولپندی کی پرامن فضا کو آلودہ کر کے فرقہ واریت کی آگ کو پورے ملک میں پھیلانا تھا۔اس موقعہ پر شیعہ سنی اکابرین نے جس دانشمندی اور بصیرت کا ثبوت دیا وہ لائق تحسین ہے۔سانحہ کے پس پردہ تمام کرداروں کو بے نقاب کیا جانا چاہیے۔انہوں نے کہا کہ سانحہ عاشور کی سازش آشکار ہونیکے بعد ہمارے نوجوانوں پر مقدمات کا کوئی جواز نہیں رہتا ہمارامطالبہ ہے کہ اس ایف آئی آر کو من گھڑت قرار دیتے ہوئے فی الفور خارج کیا جائے۔۔

Page 10 of 38

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree