The Latest

وحدت نیوز(کراچی)  مجلس وحدت مسلمین کراچی ڈویژن کی شوریٰ کا اجلاس ڈویژنل سیکریٹریٹ انچولی سوسائٹی میں ڈویژنل سیکریٹری جنرل علامہ محمد صادق جعفری کی زیر صدارت منعقد ہوا، جس میں مرکزی ڈپٹی سیکریٹری جنرل علامہ سید احمد اقبال رضوی ،مرکزی سیکریٹری امور تنظیم سازی سید مہدی عابدی، صوبائی سیکریٹری جنرل علامہ مقصودڈومکی نے خصوصی شرکت کی ، جبکہ ڈویژنل کابینہ کے اراکین سمیت تمام اضلاع کے سیکریٹری جنرل صاحبان بھی اجلاس میں شریک تھے۔

اجلاس میں فیصلہ کیا گیاکہ مرکزی سیکریٹری جنرل مجلس وحدت مسلمین پاکستان علامہ راجہ ناصرعباس جعفری کی ہدایت پر 13 مئی کو ملک گیر یوم مردہ باد امریکاکے موقع پر کراچی میں مرکزی احتجاجی ریلی نمائش چورنگی سے نکالی جائے گی جس میں علامہ راجہ ناصرعباس جعفری خصوصی شرکت اور خطاب کریں گے، مرکزی اور صوبائی رہنمائوں نے شرکاء اجلاس کو ہدایت جاری کی کہ وہ اس ریلی کے کامیاب انعقاد کیلئے بھرپور عوامی رابطہ مہم کا آغازکریں، مختلف سیاسی وسماجی تنظیموں، ملی انجمنوں اور شخصیات کو شرکت کی دعوت دیں، آئمہ جمعہ سے خصوصی ملاقاتیں کی جائیں اور انہیں یوم مردہ باد امریکا کے حوالے خصوصی طور پر آگاہ کریں تاکہ وہ خطبات میں عوام کو اس ریلی میں شرکت کیلئے آمادہ کرسکیں۔

ایم ڈبلیوایم کراچی ڈویژن ک سیکریٹری امور سیاسیات میر تقی ظفرنے اجلاس کے شرکاءسے گفتگو کرتے ہوئے کہاکہ ایم ڈبلیوایم کراچی کے منتخب حلقوں سے بھر پور انداز سے انتخابات میں حصہ لے گی،انہوں نے کہاکہ ووٹرز کے اندراج ، اخراج اور درستگی کے لئے دی گئی ڈیڈ لائن میں اضافے کیلئے الیکشن کمیشن کے حکام سے رابطہ کیا ہے انشاء اللہ جلد اس حوالے سے باقائدہ درخواست اعلیٰ حکام کو ارسال کردی جائے گی۔

وحدت نیوز (سجاول) مجلس وحدت مسلمین ضلع سجاول ،ایس ٹی پی اور انسانی حقوق کی تنظیموں کی جانب سے سندھ میں پانی کی بندش اور شدید قلت اور فصلوں کے مناسب نرخ  اور کسانوں کو باردانہ نا ملنے کے خلاف ماموں لاڈو چوک سجاول سے پبلک پارک تک احتجاجی ریلی نکالی گئی جس میں کثیرتعداد میں کارکنان اور عام شہریوں نے شرکت کی۔احتجاج سے مجلس وحدت المسلمین ضلع سجاول کے سیکریٹری جنرل مظفرعلی لغاری اور ڈپٹی سیکریٹری جنرل فیاض حسین شیخ نے اپنے خطاب میں سندھ گورنمنٹ اور وزیراعلی سندھ سید مرادعلی شاہ سے مطالبہ کیاکہ سندھ میں کسانوں کو فصلوں کے مناسب نرخ اور باردانہ کے مسائل کو ترجیح بنیادوں پر حل کیاجائے اور سندھ کی عوام کو پینے کا پانی نہیں مل رھا عوام گندا پانی پینے پر مجبور ھےجلد از جلد سندھ کی عوام کو پانی دیا جائے تاکہ سندھ کی زمینں آباد ھوسکیں اور عوام کو صاف پانی مل سکےتاکہ سندھ اور عوام خوشحال ھو۔اگر مطالبات نہ مانے گئے تو احتجاج کا دائرہ وسیع کیا جائے گا۔

وحدت نیوز( کراچی )  مجلس وحدت مسلمین صوبہ سندھ کی کابینہ کا اہم اجلاس صوبائی سیکریٹری جنرل علامہ مقصودڈومکی کی زیر صدارت صوبائی سیکریٹریٹ سولجر بازارکراچی میں منعقد ہوا، جس میں مرکزی ڈپٹی سیکریٹری جنرل علامہ سید احمد اقبال رضوی اور مرکزی سیکریٹری امور تنظیم سازی سید مہدی عابدی نے خصوصی شرکت کی، اجلاس میںمرکزی سیکریٹری جنرل علامہ راجہ ناصرعباس جعفری کے دس روزہ دورہ سندھ کو حتمی شکل دی گئی، علامہ راجہ ناصرعباس جعفری کے دورہ سندھ کا آغاز 4مئی کو ٹھٹھہ اور دسجاول سے ہوگا جبکہ اختتام 13مئی کو کراچی میں ہوگا،اس اجلاس میں علامہ راجہ ناصرعباس جعفری کے دورہ جات کے حوالے سے کمیٹی بھی تشکیل دی گئی، جو کہ اضلاع کے ساتھ رابطہ سازی کا کام انجام دے گی۔

علامہ مقصودڈومکی نے اجلاس میں اعلان کیاکہ علامہ راجہ ناصرعباس جعفری کے حکم پر 13مئی کو ملک بھر کی طرح سندھ بھرکے تمام اضلاع میں یونٹ کی سطح پراحتجاجی مظاہرے کیئے جائیں گے اور ریلیاں نکالی جائیں گئی، کراچی ، حیدرآباد اور سکھر میں مرکزی احتجاجی اجتماعات منعقد کیئے جائیں گے، صوبائی سیکریٹری امور سیاسیات سید علی حسین نقوی نےاجلاس کے شرکاءکو انتخابی حکمت عملی اور الیکشن کمیشن کے ہدایات کے حوالے سے آگاہ کیا ، انہوں نے کہاکہ انشاءاللہ ایم ڈبلیوایم سندھ بھر کے منتخب حلقوں سے انتخابات میں بھر پور حصہ لے گی۔

مرکزی رہنمائوں نے سندھ کی تنظیمی فعالیت پر اطمینان کا اظہار کرتے ہوئے کہاکہ ایم ڈبلیوایم صوبہ سندھ کی فعالیت مثالی ہے، امید ہے کہ 13 مئی کے یوم احتجاج میں سندھ کے تمام شہریوں ، قصبوں اور دیہاتوں میں بھرپور احتجاجی پروگرامات منعقد کیئے جائیں گے، اس حوالے سے تمام قومی وملی تنظیمات کو بھی ہم آہنگ کیا جائے اور انہیں بھی یوم مردہ باد امریکا میں شرکت کی دعوت دی جائے ۔

وحدت نیوز (چنیوٹ)   مجلس وحدت مسلمین ضلع چنیوٹ کی جانب سے سید اخلاق حسین شاہ کو امیدوار این اے 100 اور پی پی 96 نامز د کیا گیا ہے سید اخلاق حسین شاہ ضلع چنیوٹ کی معروف سیاسی شخصیت ہیں اہل علاقہ نے مجلس وحدت مسلمین کی جانب سے سید اخلاق حسین شاہ کی نامزدگی کو خوش آئند قرار دیتے ہوئے اس کو وقت کی اہم ضرورت قرار دیا اہلیان حلقہ کا کہنا تھا کہ ہم ہمیشہ جاگیر داروں وڈیروں کے ہاتھوں ذلیل و خوار ہوتے رہے ہیں اب پہلی بار ہماری سطح کا کوئی شخص اٹھا ہے جو ہماری نمائندگی کرے گا ان شااللہ ہم سید اخلاق حسین شاہ کی ہر حوالے سے سپورٹ کریں گے۔

وحدت نیوز (کوئٹہ)  حکومت اور سکیورٹی ادارےکوئٹہ میں شیعہ ٹارگٹ کلنگ کی روک تھام کیلئے موثر کرداراداکرے،تکفیری دہشت گردوں اور ان کے سہولت کاروں کو جلد کرفتار کرکے کیفرکردارتک پہنچایاجائے، کوئٹہ میں دن دھاڑے علی رضا اور سید زمان کی ٹارگٹ کلنگ کی شدید الفاظ میں مذمت کرتے ہیں، ان خیالات کا اظہار مجلس وحدت مسلمین صوبہ بلوچستان کے سیکریٹری جنرل علامہ برکت علی مطہری نے صوبائی سیکریٹریٹ سے جاری اپنے مذمتی بیان میں کیا۔

انہوںنے کہاکہ ایک عالمی ایجنڈے کے تحت بھارت، امریکہ اور بعض خلیجی ریاستیں بلوچستان کے امن وامان کو تہس نہس کرنے کے درپہ ہیں، کوئٹہ میں شیعہ ہزارہ شہریوں کی مسلسل ٹارگٹ کلنگ پاک چین اقتصادی راہداری منصوبے کے خلاف ملک دشمن قوتوں کی ایک مذموم سازش ہے، ہمارا مطالبہ ہے کہ وفاقی وصوبائی حکومت، چیف جسٹس آف پاکستان ، چیف آف آرمی اسٹاف، حساس سکیورٹی ادارے فوری طور پر بلوچستان میں قیام امن اور کوئٹہ میں شیعہ ہزارہ شہریوں کے قتل عام کا نوٹس لیں اور اس کے تدارک کیلئے عملی اقدامات بروئے کار لائیں ۔

علامہ برکت مطہری نے شہید علی رضا اورشہید سید زمان کے بہیمانہ قتل پر شدید غم وغصے کا اظہار کیا ہے، انہوں نے قاتلوں کی فوری گرفتاری کا مطالبہ کیا اور شہداءکے پسماندگان سے دلی ہمدردی اور تعزیت کا اظہار کرتے ہوئے کہاکہ ایم ڈبلیوایم دکھ کی اس گھڑی میں آپ مظلومین کے ساتھ ہے اور قاتلوں کو انصاف کے کٹھرے تک آنے میں آپ کے شانہ بشانہ رہے گی۔

وحدت نیوز (کوئٹہ) مجلس وحدت مسلمین کوئٹہ ڈویژن کے سیکریٹری جنرل رجب علی کربلائی نے بلوچستان شیعہ کانفرنس کے ڈیٹی سیکورٹی انچارج کے اوپر قاتلانہ حملے کی شدید مذمت کرتے ہوئے کہاکہ دہشت گرد شہر میں دھندناتے  پھر رہے ہیں اور معصوم شہریوں کو اپنی وحشیانہ کاروائیوں کا نشانہ بنا رہے ہیں۔ بیان میں کہا گیا کہ دہشت گردوں کی پشت پناہی کرنے والے اور ان کی سرپرستی کرنے والے عناصر معاشرے میں دہشت گردی پھیلانے میں اہم کردار ادا کررہے ہیں۔دہشت گرد کھلے عام اپنی کاروائیاں کرکے بہ آسانی فرار ہونے میں کامیاب ہوجاتے ہیں، جو باعث تشویش ہے اور اس کی وجہ سے عوام شدید عدم تحفظ کا شکار ہے۔عوام کی احساس عدم تحفظ کو دور کرنے کے لئے سیکیورٹی اداروں اور قانون نافذ کرنے والے اداروں کو اپنا کردار ادا کرنا پڑیگا۔بیان کے آخر میں کوئٹہ میں ٹارگیٹ کلنگ کے واقعات کے پیچھے دہشت گرد عناصر اور ان کے پشت پناہوں کے خلاف بھر پور کاروائی کا مطالبہ کیا گیا۔

وحدت نیوز (اسلام آباد) مجلس وحدت مسلمین پاکستان کے مرکزی ترجمان علامہ مختار امامی نے کہا ہے کہ پوری قوم اعلی عدلیہ کے فیصلوں کا احترام کرتی ہے۔ملک بھر میں غیر اہم شخصیات سے سیکورٹی کی واپسی کے عدالتی فیصلے کو اس کے حقیقی تناظر میں دیکھنے کی بجائے اس پر منافقانہ پالیسی اختیار کی جا رہی ہے۔ عوام کو عدالتوں سے بدظن کرنے کے لیے ان مذہبی و سیاسی شخصیات سے بھی سیکورٹی واپس لے لی گئی جن کی زندگی کو شدید خطرات لاحق ہیں ۔

انہوں نے کہا کہ مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری کا شمار ملک کی ان چند اہم مذہبی وسیاسی شخصیات میں سے ہیں جن کو شدید ترین سیکورٹی خطرات کا سامنا ہے۔ ملک میں اتحاد و اخوت کے فروغ کے لیے کلیدی کردار ادا کرنے والی شخصیات ملک دشمن طاقتوں کے نشانے پر ہیں۔اتحاد بین المذاہب اور ملک میں بسنے والے مختلف مسالک کے درمیان آہنگی کے فروغ کے لیے علامہ ناصر عباس کی خدمات ڈھکی چھپی نہیں۔عالمی طاقتوں کے گماشتے جس وقت ملک میں انتشار اور بد امنی کو ہوا دے کر جہنم بنانے پر تلے ہوئے تھے اس وقت علامہ ناصر عباس نے حب الوطنی کے تقاضوں کا عملی اظہار کرتے ہوئے اتحاد و اخوت کا علم بلند کیا اور پاکستان کی مختلف مذہبی قوتوں کو ایک پلیٹ فارم پر جمع کیا۔ نا اہل وزیر اعظم نواز شریف کی بدعنوانی کے خلاف وہ جس جرات مندانہ انداز سے اصولی موقف پر ڈٹے رہے اس پر جماعت کو انتقام کا نشانہ بھی بنایا گیا اور مرکزی قائدین سمیت مختلف شخصیات کو حکومتی اداروں کی جانب سے ہراسیگی کا بھی سامنا کرانا پڑا۔علامہ ناصر عباس سے اسلام آباد انتظامیہ کی جانب سے سیکورٹی واپس لینے کا اقدام محض سیاسی رنجش کی بنا پر ہے۔ عدالتی فیصلے کی آڑ میں حکومت کی چالبازی کا بھی اعلی عدلیہ نوٹس لے ۔ چیف جسٹس نے واضح طور پر کہا ہے کہ ان کا مقصد کسی کی زندگی کو خطرہ میں ڈالنا نہیں ہے بلکہ یہ فیصلہ ان غیر متعلقہ شخصیات کے لیے ہے جنہیں پولیس کی طرف سے سیکورٹی کی فراہمی ضروری نہیں۔

 انہوں نے کہا کہ بین الصوبائی نقل و حرکت کے دوران مختلف اضلاع کی انتظامیہ کی طرف سے بھی علامہ ناصر عباس کو فول پروف سیکورٹی فراہم کی جاتی رہی ہے۔اسلام آبادانتظامیہ سپریم کورٹ کے فیصلے پر اس کے اصل پیرائے کی روشنی میں عمل درآمد کرے۔انہوں نے کہا کہ اس غیر ذمہ دارانہ انتظامی اقدام سے ہمارے لاکھوں کارکن شدید تشویش میں مبتلا ہیں۔اگر علامہ ناصر عباس جعفری کو کسی بھی قسم کا نقصان پہنچا تو اس کی تمام تر ذمہ داری متعلقہ انتظامیہ پر ہو گی۔انہوں نے علامہ راجہ ناصر عباس و دیگر رہنماوں کو فوری سیکورٹی فراہم کرنے کا مطالبہ کیا ہے.

وحدت نیوز (مشہد مقدس)  جشن ولادت با سعادت امام حسین علیہ السلام ،حضرت امام زین العابدین علیہ السلام اور حضرت  ابوالفضل العباس در دفتر مجلس وحدت مسلمین مشھد مقدس،موسسہ شھید عارف الحسینی کا انعقاد کیا گیا جس میں کثیر تعداد میں علماء طلباء اور زائرین امام رضا علیہ السلام نے شرکت کی۔جشن کے خظیب جناب حجتہ الاسلام والمسلمین جناب آقای ڈاکٹر گرایلی تھے۔ اسکے علاوہ پاکستان سے آئے ہوئے مہمان اور مشھور و معروف نوحہ خوا ں قربان جعفری  اور برادر سید علی مرتضیٰ  (علی صفدررضوی کے بھائی)  نے بہترین ا نداز میں مداح خوانی کی۔

وحدت نیوز (کراچی) مجلس وحدت مسلمین سندھ کے سیکرٹری جنرل علامہ مختار امامی نے کہا ہے کہ دور عصر کی یزیدیت سے نبردآزما ہونے کیلئے فکرِ حسینی کو شعار بنانا ہوگا، امام عالی مقام نواسہ رسولﷺ حضرت امام حسینؑ نے دین اسلام کی شکل مجروح کرنے والوں کے ساتھ جس شجاعت سے مقابلہ کیا، آج اسی کی ضرورت ہے، امت مسلمہ کے انتشار کا واحد حل درِ اہلبیتؑ سے تمسک میں ہے، ان خیالات کا اظہار انہوں نے یوم ولادت باسعادت حضرت امام حسینؑ کی مناسبت سے وحدت سیکرٹریٹ سولجر بازار کراچی میں کارکنان سے گفتگو کرتے ہوئے کیا۔ اس موقع پر صوبائی رہنما آصف صفوی، ناصر حسینی، حیدر زیدی و دیگر بھی موجود تھے۔ علامہ مقصود ڈومکی نے کہا کہ امام عالی مقامؑ نے دین اسلام کی بقا کیلئے سب کچھ قربان کرکے یہ درس دیا ہے کہ دین اسلام ہر شے سے مقدم ہے۔

علامہ مقصود ڈومکی نے کہا امام حسینؑ نے 14 سال قبل ان دہشتگردوں کو شکست دی، جو دین اسلام کا لبادہ اوڑھ کر دین کو اپنی پسند نا پسند میں ڈھال رہے تھے۔ انہوں نے مزید کہا کہ آج بھی بیشتر تکفیری گروہ یزیدی فکر کو پروان چڑھانے کے درپے ہیں، یہ لوگ اسلام کا لبادہ اوڑھ کر اسلام دشمن قوتوں کے ایجنڈے پر عمل پیرا ہیں، شیعہ سنی وحدت نے انہیں ناکامی سے دوچار کیا ہے۔ صوبائی سیکریٹری جنرل نے امام حسین علیہ السلام کی ولادت باسعادت کے موقع پر امت مسلمہ کو مبارکباد دیتے ہوئے کہا کہ میں دعاگو ہوں کہ ہم سب سیرت حسینی ؑ کے حقیقی معنوں میں پیروکار بنیں۔

وحدت نیوز (چنیوٹ) مجلس وحدت مسلمین پاکستان کے مرکزی سیکریٹری جنرل قائد وحدت علامہ راجہ ناصرعباس جعفری حفظہ اللہ کا جامعہ بعثت رجوعہ سادات کا دورہ، طلبہ وطالبات کے علیحدہ علیحدہ اجتماعات سے ملکی وبین الاقوامی حالات، قومی سیاسی صورت حالات پر خصوصی خطاب، طلباءوطالبات کو عصر حاضر کے تقاضوں کے مطابق تیاری کی تلقین ،علامہ راجہ ناصرعباس جعفری کا کہناتھاکہ موجودہ حالات اور عالمی استعماری ساشوں کے مقابلے کیلئے علمائے کرام اور طلاب دینیہ کی ذمہ داریاں ماضی کی نسبت زیادہ بڑھ جاتی ہیں، مختلف شعبہ ہائے زندگی میں دینی طلاب کی فعالیت وقت کا اہم تقاضہ ہے،اس موقع پر جامعہ بعثت کے مسئولین علامہ سید مہدی کاظمی، آغائے نقی ہاشمی ودیگر بھی موجود تھے۔

Page 2 of 842

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree