The Latest

وحدت نیوز (تلہ گنگ)  مجلس وحدت مسلمین تنظیمی ضلع تلہ گنگ کے زیر اہتمام استقبال رمضان کے سلسلے میں ورکشاپس کا انعقادہوا. چار روزہ ورکشاپ کشمیری امام بارگاہ تلہ گنگ میں میں منعقد ہوئی. ورکشاپ میں مہدویت , احکام , حالات حاضرہ تنظیم , تنظیم کی اہمیت, پاکستان کی سیاسی صورتحال , ماہ صیام کی اہمیت اور افادیت اور شہداء کی زندگیوں کے موضوع پر سیر حاصل لیکچر دئیے گئے ورکشاپ میں مختلف موضوعات پر قائد وحدت علامہ راجہ ناصرعباس جعفری کے لیکچرز اسلامی دستاویزی فلمیں ملٹی میڈیا کے ذریعے خواتین کو دکھائی گئی.خواہر ام کلثوم, خواہر کنیز اور خواہر طاہرہ  نے خطاب کیا جبکہ مرکزی راہنماء  ایم ڈبلیو ایم شعبہ خواتین خواہر تغزل شاداب نے خصوصی شرکت اور خطاب کیا ان کا کہنا تھا کہ رمضان اللہ تعالی' کا مہینہ ہے . جس کے ذریعے خداوند متعال نے انسان کو اپنی مرضی کے مطابق ڈھلنے کا بہترین موقع دیا ہے۔

ان کا کہنا تھا کہ رمضان کے ایام سے زیادہ سے زیادہ مستفعید ہونے کی کوشش کریں اور مجلس کا لائحہ عمل عوام تک پہنچانے میں بھی رمضان کے ایام بہترین ہیں . ورکشاپ میں ضلع بھر کی خواتین نے بڑی تعداد میں شرکت کی ،تلہ گنگ کے علاقے درمنڈھ میں بھی ایک روزہ ورکشاپ کا انعقاد 28 شعبان کو گیا ایک روزہ ورکشاپ میں عصر ظہور میں خواتین کے کردار , احکام رمضان تنظیم کی ضرورت کے موضوعات پر لیکچر ز اور سوال و جواب کی نشست ہوئی اختتامی نشست سے خواہر تغزل شاداب نے خطاب کیا 29 شعبان کو ماہ شعبان کی مناسبت سے جشن آئمہ (ع) کا انعقاد کیا گیا جس کے بعد مختلف شعبہ ہائے زندگی سے تعلق رکھنے والی پروفیشنلز کے ساتھ خصوصی نشست ہوئی جس میں محترمہ تغزل شاداب نے ایم ڈبلیو ایم کے قیام کے محرکات , ضرورت , اہداف و مقاصد , مجلس کی کاوشوں اور کامیابیوں کے حوالے سے خصوصی گفتگو کی۔

وحدت نیوز (چنیوٹ)  مجلس وحدت مسلمین ضلع چنیوٹ شعبہ خواتین کے زیر اہتمام عظمت شہداٗ کانفرنس کا انعقاد چنیوٹ شہر کی قدیمی امام بارگا ہ ٹھٹی شرقی میں مجلس وحدت مسلمین پاکستان شعبہ خواتین فیصل آباد ڈویژن اور ضلع چنیوٹ کے زیر اہتمام ایک عظیم ’’عظمت شہداء ملت کانفرنس ‘‘ منعقد ہوئی اس کانفرنس میں مجلس وحدت مسلمین پاکستان شعبہ خواتین کی مرکزی سیکریٹری جنرل خواہر سیدہ زہراء نقوی بطور مہمان خصوصی کراچی سے تشریف لائیں ۔ اس کے علاوہ برادر سید ناصر شیرازی مرکزی ڈپٹی سیکریٹری جنرل مجلس وحدت مسلمین پاکستان، پروفیسر سمیرا نقوی رکن نظارت امامیہ اسٹوڈنٹس پاکستان شعبہ طالبات اور خواہر سیدہ معصومہ نقوی مرکزی سیکریٹری تنظیم سازی مجلس وحدت مسلمین پاکستان شعبہ خواتین نے بھی بطور مہمان خصوصی شرکت فرمائی ۔

اس کانفرنس میں فیصل ڈویژن اور ضلع چنیوٹ کی خواہران کی ایک بڑی تعداد شریک تھی ۔خواہر سیدہ زہراٗ نقوی نےاپنے خطاب میں شہداٗ ملت کو نذرانہ عقیدت پیش کرتے ہو ئے کہا کہ کہ شہداء ملت جعفریہ کی گراں قدر خدمات کو ہمیشہ یاد رکھا جائیگا اور جن مقاصد کیلئے شہداء نے اپنی جان قربان دی ہے اس کو پایہ تکمیل تک پہنچایا جائیگا۔ شہید کی موت قوم کیلئے حیات کا درجہ رکھتی ہے۔ شہیدوں کا نام اور شہادت کی ثقافت کو زندہ رکھنا ملک وملت کی بنیادی ضرورت ہے۔ شہادت کی ثقافت کا مطلب ہے عوام اور تمام انسانیت کے بلند مدت اہداف و مقاصد کے لئے ایثار اور قربانی پیش کرنے کی ثقافت اور یہ ثقافت مغرب کی انفرادیت کے کلچر کے بالکل برخلاف ہے جو ہر چیز اور ہر اقدام کو اپنے ذاتی و شخصی مفادات کی کسوٹی پر تولنے کی دعوت دیتا ہے۔ جس معاشرے میں بھی شہادت اور ایثار کا جذبہ عام ہو جائے، تووہ معاشرہ ترقی کرتا ہے اور ایسے معاشرے میں ترقی کا سفرمیں رکاوٹ یا پسماندگی کا کوئی امکان نہیں رہتا۔معاشرے میں شہدا کی یاد اور شہادت کا موضوع ایک زندہ حقیقت کے طور پر پیش کیا جاتا رہے گا تو پھر شکست کا کوئی تصور ہی باقی نہیں رہے گا اور ایسی قوم ہمیشہ بے خوفی کے ساتھ ترقی و پیشرفت کے راستے پر آگے بڑھتی رہے گی۔آخر میں انہوں نے حکومت وقت سے مطالبہ کیا کہ دہشت گردی اور ٹارگٹ کلنگ کے نیٹ ورک کو توڑنے میں اپناکردار ادا کرے۔ تسلسل سے ہونیوالی قتل و غارت گری سے عوام پریشان ہیں۔

برادر ناصر عباس شیرازی مرکزی ڈپٹی سیکریٹری جنرل مجلس وحدت مسلمین پاکستان نے شہداء کو ہمیشہ خراج عقیدت پیش کئے جانے اور ان کی گراں بہا یادوں کو فراموش ہونے سے بچانے پر تاکید کرتے ہوئے کہا کہ شہیدوں کی یاد میں نشستوں کا اہتمام در حقیقت جہاد اور شہادت کی روش کو زندہ رکھنے کی کوشش ہے اور ضروری ہے کہ معاشرے میں شہیدوں کی یاد اور ان کی زندگی میں پائے جانے والے اہم نکات کی ترویج کی جائے۔

  امامیہ اسٹوڈنٹس پاکستان شعبہ طالبات کی رکن نظارت پروفیسر خواہر سمیرا نقوی نے کہا کہ شہداء قوم کے محسن ہیں اور زندہ قومیں اپنے محسنوں کو یاد رکھتی ہیں۔ شہدائے راہ حق سے تجدید عہد کرتے ہوئے ہم یہ بتانا چاہتے ہیں کہ ہم شہداء کے مشن کو پایہ تکمیل تک پہنچائیں گے۔خواہر سیدہ معصومہ نقوی مرکزی سیکریٹری تنظیم سازی شعبہ خواتین نے اپنے خطاب میں کہا کہ عظمت شہداء کانفرنس کے انعقاد کا یہ پیغام ہوگا کہ ہم شہداء کے مشن اور مقصد کو فراموش ہونے نہیں دیں گے۔آج کے اس عظیم اجتماع کا مقصد بھی یہی ہے کہ ہم اپنے شہداء کو نہ بھولے ہیں اور نہ کبھی بھولیں گے ۔بعد ازاں شہداء کی بلندی درجات کیلئے خصوصی دعا بھی کی گئی۔

وحدت نیوز (کراچی) مجلسِ وحدت مسلمین کراچی ضلع جنوبی محمود آباد منظور کالونی یونٹ میں مجلسِ وحدت مسلمین پاکستان کے فلاح و بہبود کے ادارے خیر العمل فاونڈیشن کے تعاون سے بازار مہربانی کا انعقاد کیا گیاتھا۔ جس میں علاقے کی خواہران نے بطور والنٹیرز بہترین کارکردگی سرانجام دی۔ اس سلسلے میں انکی حوصلہ افزائی کے لئے اعزازی سرٹیفکیٹ دینے کے لئے ایک نشست کا اہتمام کیا گیا۔جس میں مجلسِ وحدت مسلمین شعبہ خواتین پاکستان کی جانب سے مرکزی ڈپٹی سیکرٹری خواہر ام البنین اور ضلع وسطی کی سیکرٹری جنرل خواہر یاسمین نے شرکت کی۔سرٹیفکیٹ کی تقسیم کے ساتھ ساتھ بالخصوص 13 مئ یومِ مردہ باد امریکا ریلی کی مناسبت سے خواتین کو بریفنگ بھی دی گئی اور انہیں مرکزی مردہ باد امریکا ریلی میں بھر شرکت کی تاکید کی گئی۔

وحدت نیوز (راولپنڈی)  مجلس وحدت مسلمین شعبہ خواتین راولپنڈی کی جانب سے "جشنِ مھدئ موعود حجتِ خدا امامِ زمانہ علیہ سلام" منعقد کیا گیا۔پروگرام کا باقائدہ آغاز تلاوت کلامِ پاک سورۃ الرحمان سے قندیل زہرا کاظمی نے کیا۔ اس کے بعد نعتِ سرکارِ روعالم کا ہدیہ پیش کیا گیا۔خواہر مہویش زہرا کاظمی نے پروگرام میں نظامت کے فرائض سر انجام دیے۔ بعد از نعتِ مقبول (ص) دعاءِ امامِ زمانہ (ع) پڑھی گئ۔اس کے بعد خواہر عنبرین زہرا اینڈ سسٹرز ،خواہر فراہ اور دیگر خواہران نے ہدیہ منقبت پیش کیا۔ اس کے بعد اگلا سیشن پینل ڈسکشن کا تھا۔ پینل ڈسکشن میں ایم ڈبلیو ایم شعبہ خواتین کی مرکزی سیکریٹری جنرل محترمہ زہرا نقوی، سیکریٹری جنرل ضلع راولپنڈی محترمہ قندیل زہرا کاظمی، محترمہ نگین زہرا ،محترمہ نایاب زہرا سے سوالات کئے گئے جن کے انہوں نے خوبصورت الفاظ میں جوابات دئیے۔پینل ڈسکشن سیشن میں نظامت کے فرائض محترمہ روبی نے ادا کیئے۔

اس کے بعدمحترمہ پروفسر انجم نقوی نے امامِ زمانہ (ع) کے ظہور پر خصوصی خطاب کیا۔ اس کے بعد ایم ڈبلیو ایم شعبہ خواتین کی مرکزی سیکریٹری جنرل محترمہ زہرا نقوی نے پابندی ِ وقت پر آنے والی خوہران کو انعامات سے نوازا اور ایم ڈبلیو ایم راولپنڈی ڈویژن کی ارکان خواتین خواہر سمن زہرا ، خواہر فروا نقوی، خواہر تنویز، خواہر شاہین، خواہر ناہید، خواہر سمینہ،خواہر فرہت اور خواہر پھول بی بی میں حسنِ کارکردگی اسناد تقسیم کیں۔اس کے بعد محترمہ زہرا نقوی نے امامِ وقت (ع) کی بارگاہ میں خصوصی استغاثہ پیش کیا۔اس پُر مسرت موقع پر کیک کاٹا گیا اور قندیلیں روشن کی گئیں۔جشن میں خیمئہ امامِ زمانہ (ع) بھی نصب کیا گیا تھا جہاں خواہران نے نمازِ حاجات اور ہدیہ نمازیں ادا کیں۔ اس کے علاوہ عہد بورڑ بھی بنایا گیا تھا۔ پروگرام کے آخر میں محترمہ زہرا نقوی نے خصوصی دعائیں بھی کرائیں اور راولپنڈی ڈویژن کی جانب سے منعقد کردہ اس جشن کو بھی بہت سراہااور پوری راولپنڈی کیبنٹ کی جانب سے محترمہ زہرا نقوی کی خصوصی شرکت پر ان کا شکریہ بھی ادا کیا گیا۔

وحدت نیوز(رحیم یارخان)  مجلس وحدت مسلمین شعبہ خواتین رحیم یارخان کی جانب سے استقبال ماہ رمضان ،بقیۃ اللہ کانفرنس کا انعقادکیا گیا ۔ کانفرنس کا باقاعدہ آغاز’’حدیث کساء‘‘ سے ہوا جس کی سعادت خواہر کنیز فاطمہ (ایڈووکیٹ) نے حاصل کی ۔اس کے بعد بچیوں نے دعائے زہراء(س) پڑھی ۔نظامت کے فرائض آفس سیکریٹری خواہر نزہت خلیل نے انجام دیئے ۔خواہر کنیز فاطمہ ایم ڈبلیو ایم سیکریٹری تبلیغات نے ’’آمد ماہ رمضان المبارک ‘‘ اور روزے کی فضیلت پر تفصیل سے روشنی ڈالی۔اس کے بعد خواہر عصمت زیدی صاحبہ ضلعی سیکریٹری جنرل نے کوئز پروگرام کے حوالے سے بچیوں سے سوالات پوچھے ۔کوئز پروگرام کا موضوع’’  چودہ معصومینؑ  ‘‘ کے حوالے سے انتخاب کیا گیا تھا ۔

خواہر عصمت زیدی ضلعی ڈپٹی سیکریٹری جنرل ضلع رحیم یارخان اور خواہر عطیہ عباس زیدی نے کوئز پروگرام میں شامل بچیوں کو انعامات سے نوازا بچیوں نے دعائے امام زمانہ (عج) اور منقبت بھی پیش کی ۔ آخر میں ایم ڈبلیو ایم پاکستان ضلع رحیم یار خان ،شعبہ خواتین کی ضلعی سیکریٹری جنرل خواہر سیدہ تنویر زہرہ کاظمی نے ’’بقیۃ اللہ کانفرنس ‘‘ کے موضوع پر خصوصی خطاب کیا اور ہال میں موجود خواتین سے سوالات بھی پوچھےگئے ۔درست جواب دینے والوں میں انعامات تقسیم کیے گئے ۔بارگاہ امام زمانہ (عج) کی خدمت تمام حاضرین نے ملکر استغاثہ پیش کیا ۔ ضلعی سیکریٹری جنرل شعبہ خواتین تمام حاضرین کا شکریہ ادا کیا ۔کانفرنس کا اختتام دعائے ’’فرج امام زمان ۰عج) ‘‘ سے ہوااور حاضرین میں تبرک تقسیم کیا گیا ۔ کانفرنس میں شامل خواہران اس پروگرام کے انعقاد پر ضلعی سیکریٹری جنرل کو مبارک باد پیش کی اور کہا کہ آئندہ بھی اس طرح کے علمی ،دینی اور مذہبی پروگرامات کے انعقاد کو جاری رکھا جائے ۔

وحدت نیوز (حیدرآباد)  مجلس وحدت مسلمین ضلع حیدرآباد اور مختلف مدارس ،مدرسہ جماران ،مدرسہ فاطمیہ ،مدرسہ معصومہ ،مدرسہ حسینی ،مکتب زینبیہ،مکتب صاحب الزمان عج ا مختلف تنظیمیں اصغریہ علم و عمل تحریک پاکستان(خواتین)،آئی۔او ،آئی۔ایس ۔او ،پیام اسلامی ،معارف اسلامی ،عزم زینب ،ام ابیھا تعلیم بالغاں اور امام بارگاہ محفل حسینی ،معصومین ،حسینی مشن اور بیت زہرا کے باہمی تعاون سے ایک شاندار پروگرام “جشن یو سف زہرا “ کا بمقام محفل حسینی حیدرآباد مین کیا گیا ۔اس پروگرام میں نظامت کے فرائض محترمہ عظمی تقوی صاحبہ نے بہ احسن و خوب انجام دئیے پروگرام کا آغاز مدرسہ جماران کے بچوں کی جانب سے تلاوت قرآن پاک و اسماء سے ہوا ۔مکتب زینبیہ کی بچیوں کے جانب حمد نعت ومنقبت پیش کی گئی۔

محترمہ عابدہ حسینی اور محترمہ ثانیہ زہرا نے مدرسہ جماران کے بچوں قرآن فہمی و حفظ کے حوالے سے سوال و جواب ،بعد از مدرسہ فاطمیہ کے بچوں کے جانب سے القابات امام زمانہ (عج) پیش کیے گئے ،مدرسہ حسینی کے بچے بچیوں کے جانب سے خاکہ بعنوان معرفت قائم آل محمد (ص)،زینب دانش (محفل حسینی)کی جانب سے منقبت کی صورت میں نظرانہ عقیدت پیش کیا گیا ۔ایک منفرد ملٹی میڈیا پر پریزینٹیشن “امام زمانہ کی کہانی “ایم ڈبلیوایم شعبہ خواتین کی کارکنان کی جانب سے -ساتھ ہی ساتھ کوئز بہ حوالہ پریزنٹیشن آئی۔او،آئی ایس او کی کارکنان نے سامعین سے سوالات کیے اور درست جواب دینے والوں کو انعامات بھی دئیے گئے۔بعد از معلمات کے ساتھ پینل ڈسکشن جس میں محترمہ زاہدہ نے معلمات یعنی خانم عابدہ حسینی ،خانم سلمی علی اور خواہر معصومہ سے مختلف موضوعات بہ حوالہ صاحب الزمان (عج) پہ انٹرویو لیا ۔پروگرام کے سلسلے کو بڑھاتے ہوئے محترمہ عنبر نقوی (عزم زینب )نے منقبت کی صورت میں نظرانہ عقیدت پیش کیا ۔آخر میں مدرسہ معصومہ کے جانب سے خاکہ بعنوان “شہادت “پیش کیا گیا۔پروگرام کی دیگر تفصیل میں جلد تشریف لانے والے شرکاء کو انعامات پیش کیئے گئے ۔پروگرام کا باقاعدہ اختتام دعاء سلامتی امام زمان(عج)سے ہوا جو ام ابیھا تعلیم بالغاں (ایم ڈبلیو ایم حیدرآباد)کی بچیوں نے پڑھی سے ہوا ۔بعد از شرکاء محفل کو تبرک پیش کیا گیا۔

وحدت نیوز (چنیوٹ)  مجلس وحدت مسلمین ضلع چنیوٹ کےزیر اہتمام تنظیمی تربیتی ورکشاپ کا انعقاد کیا گیا جس میںمحترمہ  فرحانہ گلزیب اور حافظہ انجم کاظمی نے تنظیمی تربیتی عنوانات پر لیکچرز دیے،ورکشاپ میں نمازِ مغربین باجماعت پڑھی گئی اور آخر میں مناجاتِ شعبانیہ کی محفل کے بعد دعاِ امامِ زمانہ ع سے ورکشاپ اختتام پزیر ہوئی، اس ورکشاپ میں ایم ڈبلیوایم خواتین کارکنان سمیت علاقائی خواتین نے بڑی تعدادمیں شرکت کی ۔

وحدت نیوز (اٹک)  مجلس وحدت مسلمین شعبہ خواتین ضلع اٹک کے زیر اہتمام بمناسبت یوم ولادت امام مہدی علیہ السلام کے سلسلے میںجشن امام زمانہ عج ، نیز بچوں میں فکر و آگہی اور معرفت امام وقت علیہ السلام کے لیے پروگرام کا انعقاد کیا گیا پروگرام کو تین حصوں میں تقسیم کیا گیا  ،پہلے حصے میں تلاوت قرآن پاک ونعت اور ذکر اہلبیت کے بعد کوئز کا مقابلہ ہوا ،جس میں جماعت اول سے ہفتم،تک طلبہ نےحصہ لیا ۔۔دوسرے حصہ  میں تقریری مقابلہ ہوا ،جماعت اول سے  ہفتم،و ہشتم سے سال دوم تک طلبہ نے حصہ لیا ،تیسرے حصے میں آرٹ کے مقابلے ہوا جس میں جماعت اول سے پنجم،ششم سے دہم تک طلبہ نے حصہ لیا ،آخر میں نمایاں کارکردگی کے علاوہ ان بچوں میں بھی انعامات تقسیم کئے گئے جنہوں نے اس پروگرام میں بھر چڑھ کر حصہ لیا ،دعا سلامتی امام زمانہ (عج)سے پروگرام کا اختتام کیا گیا۔

وحدت نیوز (کوئٹہ)  مجلس وحدت مسلمین شعبہ خواتین کوئٹہ ڈویژن کے زیر اہتمام نیچاری امام بارگاہ میں جشن ولادت امام مہدی عج کا انعقادکیا گیا، جشن کی تقریب سے ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی اور صوبائی وزیر قانون و پارلیمانی امور آغا سید محمد رضا نے خطاب کیا،رہنمائوں نے کہا کہ امام مہدی ؑ کا وجود مقدس عالم بشریت کیلئے مرکز امید ہے، دور حاضرمیں امت مسلمہ کی تمام تر مشکلات کا حل ظہور حضرت حجت عج میں مضمر ہے۔

وحدت نیوز(سرگودھا ) مجلس وحدت مسلمین شعبہ خواتین کی مرکزی سیکرٹری تربیت خانم نرگس سجاد جعفری کا کہناہے کہ کسی قوم کےحقوق کے حصول اور تحفظ کی جنگ لڑنے کےلیے سیاسی قوت کا ہونا ضروری ہے جس قوم کا سیاسی تشخص نہ ہو وہ حقوق کےلیے بھیک مانگتی نظر آتی ہے یہ بات انھوں نے سرگودھا میں جشن ولادت امام زمان (ع)سے خطاب کرتے ہوئے کہی. انھوں نے کہا کہ عالم انسانیت اپنے آخری نجات دھندہ کا منتظر ہے. ہمارا دشمن امام زمان(ع) سے مقابلہ کی بات کرتا ہے اور ہم ابھی تک خواب میں ہیں . عصر ظہور میں ہماری ذمہ داری ہے کہ ہر میدان میں ثابت قدمی کے ساتھ دشمن کا مقابلہ کریں ان کا کہنا تھا کہ انشااللہ مجلس وحدت المسلمین دیگر ہم خیال سیاسی جماعتوں کے ساتھ مل کر آئندہ الیکشن میں ہمیشہ کی طرح اپنامثبت کردار ادا کرے گی ایک روزہ دورہ کے موقع پر خانم نرگس سجا د نے ضلع بھر سے تعلق ر کھنے والی خواتین سے ملاقات کی . ملاقات میں ضلع کی مجموعی تنظیمی صورتحال بالخصوص شعبہ خواتین کی تشکیل میں در پیش مشکلات پر تبادلہ خیال کیا گیا خواہر طلعت نقوی کو ضلعی آرگنائزر نامزد کرکے تین ماہ میں نتظیم سازی مکمل کرکے کنونشن بلانے ہدایت کی گئی۔

Page 5 of 41

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree